ଜଗତସିଂହପୁର: ଶାସ୍ତିର ଦୟନୀୟ ଦୃଶ୍ୟ । ବେକରେ ପଡ଼ିଛି ଚପଲ ମାଳ । ଦୁଇ ହାତ ଓ ଗୋଡ଼କୁ ଚଳନ୍ତା ଟ୍ରକ ଆଗରେ ବନ୍ଧା ଯାଇଛି । ଜଗସତିଂହପୁର ଜିଲ୍ଲା ପାରାଦ୍ବୀପ ଉପକଣ୍ଠ ଭୂତମୁଣ୍ଡାଇର ଏଭଳି ଏକ ଦୃଶ୍ୟ ଭାଇରାଲ ହେବାରେ ଲାଗିଛି । ଖବର ଅନୁଯାୟୀ ଜଣେ ବ୍ୟକ୍ତି ଏକ ଟ୍ରକ ଡ୍ରାଇଭରଙ୍କ ମୋବାଇଲ ଚୋରି କରି ନେଇ ଯାଉଥିବାବେଳେ ତାଙ୍କୁ ଅନ୍ୟ ଡ୍ରାଇଭରମାନେ କାବୁ କରି ନେଇଥିଲେ ।
ଚଳନ୍ତା ଟ୍ରକରେ ଯୁବକଙ୍କୁ ବନ୍ଧିଲେ ଡ୍ରାଇଭର
ଚୋରି କରିଥିବା ବ୍ୟକ୍ତିଙ୍କୁ କେତେକ ଡ୍ରାଇଭର ଦଣ୍ଡ ସ୍ବରୂପ ଟ୍ରକ ଆଗରେ ଅତି ନିର୍ଦ୍ଦୟ ଭାବେ ଟ୍ରକ ଆଗରେ ଟାଙ୍ଗି ଦିଆଯାଇଛି । ଏଥିସହ ଟ୍ରକ ଡ୍ରାଇଭର ଜଣକ ମହାନଦୀ ପୋଲ ଉପରେ ଟ୍ରକକୁ ବିପଦପୂର୍ଣ୍ଣ ଭାବେ ଚଳାଉଥିବା ବେଳେ ଅନ୍ୟ ଜଣେ ଏହି ଦୃଶ୍ୟର ରେକର୍ଡିଂ କରିଛନ୍ତି । ଯାହା ବର୍ତ୍ତମାନ ଭାଇରାଲ ହେବାରେ ଲାଗିଛି । ଆଇନକୁ ହାତକୁ ନେଇ ଏଭଳି ଅମାନୁଷିକ କାର୍ଯ୍ୟ କରିବା କେତେଦୂର ଠିକ ସେନେଇ ପ୍ରଶ୍ନ ଉଠିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
