ଜଗତସିଂହପୁର: ଏସଭିଏମ କଲେଜ ପାଲଟିଲା ରଣଖେତ୍ର । ଦୁଇ ଅଧ୍ୟାପକଙ୍କ ମଧ୍ୟରେ ସଙ୍ଘର୍ଷ । କଲେଜ ଭିତରେ ପଶିଲେ ଭଡାଟିଆ ଗୁଣ୍ଡା । ବୁଲିଲା ବନ୍ଧୁକ । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଜଗତସିଂହପୁର ଏସଭିଏମ କଲେଜ ପରିସରରେ ।
ଏସଭିଏମ କଲେଜ ପରିସର ପାଲଟିଲା ରଣକ୍ଷେତ୍ର
କଲେଜର ଦୁଇ ଅଧ୍ୟାପକ ଧିରେନ ମହାନ୍ତି ଓ ଜଗନ୍ନାଥ ବେହେରାଙ୍କ ମଧ୍ୟରେ ପୁର୍ବରୁ ବିବାଦ ରହିଥିଲା । ସୋମବାର ଦିନ ଏହା ଉଗ୍ରରୁପ ଧାରଣ କରିଥିଲା । ଅଧ୍ୟାପକ ଧିରେନ ମହାନ୍ତି କିଛି ଭଡାଟିଆ ଗୁଣ୍ଡାକୁ ଆଣି କଲେଜ ଭିତରେ ପଶିବା ସହ ବନ୍ଧୁକ ଦେଖାଇ ଗଣ୍ଡଗୋଳ ଆରମ୍ଭ କରି ଦେଇଥିଲେ । ଏହାକୁ ଦେଖି କିଛି ଛାତ୍ର ଓ ଅଣଛାତ୍ର କଲେଜରେ ତାଲା ପକାଇ ଦେବା ସହ ନାରାବାଜି ଆରମ୍ଭ କରିଦେଇଥିଲେ ।
ଘଟଣା ବଢୁଥିବାର ଦେଖି କଲେଜ ଅଧକ୍ଷ୍ୟ ପୋଲିସକୁ ଖବର ଦେଇଥିଲେ । ଘଟଣାସ୍ଥଳରେ ପୋଲିସ ପହଞ୍ଚି ଅଧ୍ୟାପକ ଧିରେନ ମହାନ୍ତିଙ୍କ ସହ ୨ଜଣ ଗୁଣ୍ଡା ଓ ଗୋଟିଏ ବନ୍ଧୁକ, କଲେଜ ପରିସରରେ ଥିବା ଗୋଟେ ସ୍କର୍ପିଓକୁ ଜବତ କରିଛି ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
