ଜଗତସିଂହପୁର: ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ଇସ୍ତଫା ଦାବି କରି ରାଜପଥ ଅବରୋଧ । ଶିକ୍ଷୟିତ୍ରୀ ମମିତା ମେହେର ହତ୍ୟାକାଣ୍ଡରେ ମନ୍ତ୍ରୀଙ୍କୁ ବହିଷ୍କାର ଦାବି କଟକ ପାରାଦୀପ ରାଜ୍ୟ ରାଜପଥ ଅବରୋଧ କରିଛନ୍ତି ଉତ୍କଳ ମହିଳା ସମିତି ଜଗତସିଂହପୁର ଜିଲ୍ଲା କମିଟି l
ରାଜ୍ୟରେ ନାରୀ ନିର୍ଯାତନା ଚରମ ସୀମା ଅତିକ୍ରମ କରିଥିଲେ ମଧ୍ୟ ସରକାର ଏହାକୁ ସାମ୍ନା କରିବାରେ ବିଫଳ ହୋଇଛନ୍ତି । ଜଗତସିଂହପୁର ଉତ୍କଳ ମହିଳା ସମିତି ରାଜ୍ୟ ସମ୍ପାଦିକା ଚିନ୍ମୟୀ ମହାପାତ୍ରଙ୍କ ନେତୃତ୍ବରେ କୁଜଙ୍ଗ ବଜାରରେ ଏକ ଶୋଭାଯାତ୍ରା ବାହାର କରି ବଜାର ପରିକ୍ରମା କରିବା ସହିତ କଟକ ପାରାଦୀପ ରାଜ୍ୟ ରାଜପଥ ଅବରୋଧ କରାଯାଇଛି l ଏକଘଣ୍ଟା ଧରି ରାଜରାସ୍ତା ଅବରୋଧ କରିବାପରେ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ କୁଶପୁତ୍ତଳିକା ଦାହ କରିବା ପରେ ରାସ୍ତା ଅବରୋଧ ପ୍ରତ୍ୟାହାର କରାଯାଇଛି l ଯାହାଫଳରେ ଶତାଧିକ ଗାଡିମୋଟର ଅଟକ ରହିଥିବା ଦେଖିବାକୁ ମିଳିଛି l ମହାଲିଙ୍ଗ କଲେଜର ଶିକ୍ଷୟିତ୍ରୀ ମମିତା ମେହେର ହତ୍ୟାକାଣ୍ଡରେ ସମ୍ପୃକ୍ତ ମନ୍ତ୍ରୀ ଦିବ୍ୟଶଙ୍କର ମିଶ୍ରଙ୍କ ମନ୍ତ୍ରୀ ପଦରୁ ବହିଷ୍କାର ଦାବି କରିଛନ୍ତି ।
ଏହି ହତ୍ୟାକାଣ୍ଡରେ ହାଇକୋର୍ଟଙ୍କ ତତ୍ତ୍ବାବଧାନରେ ଏସଆଇଟି ଗଠନ କରାଯାଇ ଜଘନ୍ୟ ହତ୍ୟାକାଣ୍ଡର ପର୍ଦ୍ଦାଫାଶ କରିବାକୁ ଦାବି କରିଛି ଉତ୍କଳ ମହିଳା ସମିତି। ଏଥି ସହିତ ମୃତ ମମିତା ମେହେର ପରିବାରକୁ ଏକ କୋଟି ଟଙ୍କାର କ୍ଷତିପୂରଣ ଦାବି କରିଛନ୍ତି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
