ଭଞ୍ଜନଗର: ଜଗନ୍ନାଥପ୍ରସାଦ ଥାନା ଚଢ଼େଆପଲ୍ଲୀ ଗ୍ରାମରେ ଟ୍ରକ ଚଢାଇ ଦୁଇ ଜଣକୁ ହତ୍ୟା ଘଟଣାରେ ପୋଲିସକୁ ମିଳିଛି ସଫଳତା । ଶୁକ୍ରବାର ଏନେଇ ଟ୍ରକକୁ ଜବତ କରିବା ସହ ତିନି ଅଭିଯୁକ୍ତଙ୍କୁ ଗିରଫ କରିଛି । ଗିରଫ କରିଥିବା ତିନି ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି ।
ସୂଚନା ଅନୁଯାୟୀ ଗିରଫ ଅଭିଯୁକ୍ତ ହେଲେ ଟୁକୁ ପାଢ଼ୀ ଓ ତାର ଦୁଇ ସହଯୋଗୀ ଜଗା ପାଣିଗ୍ରାହୀ ଓ ଧନୁ ଦାଶ । ପ୍ରକାଶ ଯେ ଗତ 11 ତାତିଖରେ ପୂର୍ବ ଶତ୍ରୁତାକୁ କେନ୍ଦ୍ର କରି ଗ୍ରାମରେ ଗଣ୍ଡଗୋଳ ହୋଇଥିଲା । ସେଥିଯୋଗୁଁ କୃଷ୍ଣ ନାୟକ ଓ ରାମ ଗୌଡ଼ ଏକ ବାଇକରେ ଜଗନ୍ନାଥପ୍ରସାଦ ଥାନାକୁ ଏତଲା ଦେବାକୁ ଯାଉଥିବା ସମୟରେ ରାସ୍ତାରେ ଟ୍ରକ ଚଢାଇ ସେମାନଙ୍କୁ ହତ୍ୟା କରାଯାଇଥିଲା । ପରେ ଅଭିଯୁକ୍ତ ଘଟଣାସ୍ଥଳରୁ ଫେରାର ହୋଇଯାଇଥିଲେ ।
ଭିଡିଓ ସୌଜନ୍ୟ: ପ୍ରତିନିଧି, ଭଞ୍ଜନଗର
ତେବେ ଏ ଘଟଣାରେ ପୋଲିସ ଶୁକ୍ରବାର ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି।
ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ
