ବ୍ରହ୍ମପୁର: କୋରୋନା ପାଇଁ ଗଞ୍ଜାମ ଜିଲ୍ଲାରେ ଲାଗୁ ହେଲା 144 ଧାରା । ଜିଲ୍ଲାର ଜନଗହଳି ସ୍ଥାନରେ ଏକତ୍ରିତ ହେବା ଘଟଣାକୁ ଏଡାଇବାକୁ ଗଞ୍ଜାମ ଜିଲ୍ଲା ପ୍ରଶାସନ ପକ୍ଷରୁ ଏଭଳି ନିଷ୍ପତ୍ତି ନିଆଯାଇଛି ।
ପୂର୍ବରୁ ଜିଲ୍ଲାର ସମସ୍ତ ଉତ୍ସବ ସହିତ ପ୍ରସିଦ୍ଧ ମା' ତାରାତାରିଣୀ ଯାତ୍ରା ସହିତ ଦଣ୍ଡନୃତ୍ୟ ଉପରେ କଟକଣା ଜାରି କରାଯାଇଥିଲା । ଶେଷରେ ଜିଲ୍ଲାପାଳ ଜନଗହଳି ରୋକିବାକୁ ୧୪୪ ଧାରା ଲାଗୁ କରିଛନ୍ତି । ସମଗ୍ର ବିଶ୍ବରେ କୋରୋନା ଭାଇରସ ମହାମାରୀର ରୂପ ନେଉଥିବା ବେଳେ ରାଜ୍ୟ ସରକାରଙ୍କ ପକ୍ଷରୁ ରାଜ୍ୟ ବିପର୍ଯ୍ୟୟ ଘୋଷଣା କରାଯାଇଛି । ସେହିପରି ଏହି ଭୂତାଣୁ ପାଇଁ ଗଞ୍ଜାମ ଜିଲ୍ଲାରେ ସମସ୍ତ କର୍ମଚାରୀଙ୍କ ଛୁଟି ବାତିଲ କରାଯିବା ସହ ସମସ୍ତ କର୍ମଚାରୀଙ୍କୁ ନିଜର ହେଡକ୍ବାଟରରେ ରହିବାକୁ ନିର୍ଦ୍ଦେଶ ଦିଆଯାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
