ବ୍ରହ୍ମପୁର: ସାରା ଦେଶରେ ପାଳନ ହେଉଛି କାରଗିଲ ବିଜୟ ଦିବସ । ଏହି ଅବସରରେ ଶହୀଦଙ୍କୁ ସ୍ମରଣ କରିଛନ୍ତି ସମସ୍ତେ । ଗଞ୍ଜାମ ଜିଲ୍ଲା ଯୁବ ବିଜେଡି ପକ୍ଷରୁ କାରଗିଲ ବିଜୟ ଦିବସ ଅବସରରେ ବ୍ରହ୍ମପୁରରେ ଆୟୋଜିତ ହୋଇଯାଇଛି ଶହୀଦଙ୍କ ସ୍ମୃତି ଉଦ୍ଦେଶ୍ୟରେ କାର୍ଯ୍ୟକ୍ରମ ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
୧୯୯୯ ମସିହାର ଜୁଲାଇ ମାସରେ ପାକିସ୍ତାନ ସହ ଯୁଦ୍ଧ କରି ଦେଶକୁ ବିଜୟ ମୁକୁଟ ପିନ୍ଧାଇଥିଲେ ଭାରତୀୟ ସେନା । ଉକ୍ତ କାର୍ଯ୍ୟକ୍ରମରେ ଦେଶ ପାଇଁ ଲଢେ଼ଇ କରି ଶହୀଦ ହୋଇଥିବା ସେହି ବୀର ଭାରତୀୟ ସେନାଙ୍କ ସାହାସିକତାକୁ ନେଇ ଆଲୋଚନା କରାଯାଇଥିଲା ।
ଶତ୍ରୁର ଆକ୍ରମଣରେ ବହୁ ଭାରତୀୟ ଯବାନ ଶହୀଦ ହୋଇଥିବା ବେଳେ ସେଥିମଧ୍ୟରୁ ବ୍ରହ୍ମପୁର ଉପକଣ୍ଠ ଜଗଦଲପୁର ଗ୍ରାମର ଶହୀଦ ଏସ ଶ୍ରୀନିବାସ ପାତ୍ର ଜଣେ ଅନ୍ୟତମ । ସେହି ଶହୀଦଙ୍କୁ ମନେ ପକାଇ ଆଜି ଜିଲ୍ଲା ଯୁବ ବିଜେଡି ଏକ କାର୍ଯ୍ୟକ୍ରମ ଅନୁଷ୍ଠିତ କରିଥିଲା । ସହରର ଗାନ୍ଧୀନଗର ଛକ ଠାରେ ଏହି କାର୍ଯ୍ୟକ୍ରମରେ ବହୁ ଯୁବ ବିଜେଡି କର୍ମକର୍ତ୍ତା ସାମିଲ ହୋଇଥିଲେ ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
