ଭଞ୍ଜନଗର: ସାଂସଦ ଅପରାଜିତା ଷଡ଼ଙ୍ଗୀଙ୍କ ଚା' ଖଟି କାର୍ଯ୍ୟକ୍ରମ । ଗଞ୍ଜାମ ଜିଲ୍ଲା ଆସିକା ଓ କବିସୂର୍ଯ୍ୟନଗର ଠାରେ ବିଜେପି ରାଷ୍ଟ୍ରୀୟ ପ୍ରବକ୍ତା ତଥା ଭୁବନେଶ୍ବର ସାଂସଦ ଅପରାଜିତା ଷଡ଼ଙ୍ଗୀ ଗସ୍ତ କରି ଚା ଖଟି କାର୍ଯ୍ୟକ୍ରମରେ ଯୋଗ ଦେଇଛନ୍ତି।
ଆସିକାରେ ସାଂସଦ ଅପରାଜିତା ଷଡ଼ଙ୍ଗୀଙ୍କ ଚା ଖଟି କାର୍ଯ୍ୟକ୍ରମ
ଭାରତର ସର୍ବଶ୍ରେଷ୍ଠ ସାଂସଦ ଭାବେ ସୁନାମ ଅର୍ଜନ କରିଥିବା ସାଂସଦ ଅପରାଜିତାଙ୍କୁ ଆସିକାରେ ବିଜେପି ନେତା ଓ କର୍ମୀମାନେ ସ୍ବାଗତ ଜଣାଇଥିଲେ। ସାଂସଦ ଅପରାଜିତା ଷଡଙ୍ଗୀ ଚା' ଖଟିରେ ଯୋଗଦେଇ ଆସିକାର ବିଭିନ୍ନ ସମସ୍ୟାକୁ ନେଇ ବୁଦ୍ଧିଜୀବୀଙ୍କ ସହ ଆଲୋଚନା କରିଥିଲେ। ବିଶେଷ କରି ଆସିକା ଚିନି କଳର ସମସ୍ୟା, ଡ୍ରେନେଜର ଅବ୍ୟବସ୍ଥା, ଆସିକାରେ ହେଉଥିବା ବନ୍ୟା ପରିସ୍ଥିତି ସମସ୍ୟା, ଅଟୋ ଚାଳକ ସଂଘ ଏବଂ ବଣିକ ସଂଘ ସମସ୍ୟାକୁ ନେଇ ସ୍ଥାନୀୟ ଲୋକମାନଙ୍କ ସହ ଆଲୋଚନା କରିଥିଲେ ।
ଭଞ୍ଜନଗରରୁ ରଞ୍ଜନ ସ୍ବାଇଁ,ଇଟିଭି ଭାରତ
