ଡକାୟତି ଯୋଜନା ପଣ୍ଡ, 6 ଡକାୟତ ଗିରଫ

ଗଞ୍ଜାମ ଜିଲ୍ଲାର ଭଞ୍ଜନଗରସ୍ଥିତ 59ନଂ ଜାତୀୟ ରାଜପଥ ନନ୍ଦୀଘର ବିଶ୍ରାମଗାରରେ ଡକାୟତି ଯୋଜନାକୁ ପଣ୍ଡ କରିଛି ପୋଲିସ । ଧରାକୋଟ ପୋଲିସକୁ ଡକାୟତଙ୍କ ସମ୍ପର୍କରେ ଖବର ମିଳିବା ପରେ 6 ଜଣଙ୍କୁ ଗିରଫ କରିଛି ।

ଭଞ୍ଜନଗର: ଗଞ୍ଜାମ ଜିଲ୍ଲା ଧରାକୋଟ ପୋଲିସକୁ ମିଳିଛି ବଡ ସଫଳତା । ଗତ ରାତିରେ 59 ନଂ ଜାତୀୟ ରାଜ ପଥ ନନ୍ଦୀଘର ବିଶ୍ରାମଗାର ଠାରେ ଡକାୟତି ଯୋଜନାକୁ ପଣ୍ଡ କରିଛି ପୋଲିସ । ଏଠାରେ ଏକ ଦଳ ଡକାୟତି କରିବାକୁ ଯୋଜନା କରୁଥିବା ବେଳେ ଧରାକୋଟ ପୋଲିସ ଖବର ପାଇ 6 ଜଣଙ୍କୁ ଗିରଫ କରିଛି ।

ସେମାନଙ୍କ ଠାରୁ ଗୋଟିଏ ନମ୍ବର ବିହୀନ ବ୍ଲାକ ପଲସର ବାଇକ, ଦୁଇଟି ଜୀବନ୍ତ ବୋମା, ଗୋଟିଏ ଖଣ୍ଡା, ଗୋଟିଏ କାତି ଏବଂ ଗୋଟିଏ ଭୁଜାଲି ଜବତ କରିଛି ପୋଲିସ । ଆଜି ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି ବୋଲି ପୋଲିସ ଜଣାଇଛି ।

ଭଞ୍ଜନଗରରୁ ରଞ୍ଜନ ସ୍ବାଇଁ, ଇଟିଭି ଭାରତ