ଗଜପତି: ଶାଗ ତୋଳିବା ବେଳେ ବିଦ୍ୟୁତ ସଂସ୍ପର୍ଶରେ ଆସି ଜଣେ ମୃତ । ଏଭଳି ଘଟଣା ଘଟିଛି ଗଜପତି ଜିଲ୍ଲା ସଦରମହକୁମା ପାରଳାଖେମୁଣ୍ଡିରେ । ମୃତ ବ୍ୟକ୍ତି ଜଣକ ହେଲେ ଅଟଳ ବିହାରୀ ନାୟକ, ବୟସ ୩୮ । ସେ ୱାଟରସେଡ କାର୍ଯ୍ୟାଳୟରେ ମୃତ୍ତିକା ସଂରକ୍ଷଣ ସହୋଜୋଗୀ ଭାବେ ଦୀର୍ଘ ୧୦ ବର୍ଷ ହେବ କାର୍ଯ୍ୟରତ ଥିଲେ ।
ସଜନା ଶାଗ ତୋଳିବା ହେଲା କାଳ, ବିଦ୍ୟୁତ ସଂସ୍ପର୍ଶରେ ଆସି ଜଣେ ମୃତ
ଆଜି(ଗୁରୁବାର) ମୁନିଗା(ସଜନା) ସାଗ ତୋଳିବା ପାଇଁ ସେ ଗଛ ଉପରେ ଚଢିଥିବା ବେଳେ ବିଦ୍ୟୁତ ତାର ସଂସ୍ପର୍ଶରେ ଆସି ତାଙ୍କ ମୃତ୍ୟୁ ହୋଇଛି । ଦୀର୍ଘ 10 ବର୍ଷହେବ ସେ ଗଜପତି ଜିଲ୍ଲାର ୱାଟରସେଡ ଠାରେ କାମ କରୁଲେ ଓ ତାଙ୍କ ନିଜ ଘର ଖୋର୍ଦ୍ଧା ଜିଲ୍ଲାର ତୁମାଝରି ଗ୍ରାମରେ ବୋଲି ଜଣାପଡିଛି । ସେପଟେ ଘଟଣାସ୍ଥଳରେ ପାରଳାଖେମୁଣ୍ଡି ପୋଲିସ ପହଞ୍ଚି ଏକ ଅପମୃତ୍ୟୁ ମାମଲା ରୁଜୁ କରିବା ସହ ତଦନ୍ତ ଆରମ୍ଭ କରିଛି।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
