ଗଜପତି: 4 ବର୍ଷ ପରେ ମିଳିଲା ନ୍ୟାୟ । ପତ୍ନୀହନ୍ତା ସ୍ବାମୀକୁ ମଳିଲା ଆଜୀବନ କାରାଦଣ୍ଡଦେଶ । ଗଜପତି ଜିଲ୍ଲା ମୋହନା ଥାନା ଅନ୍ତର୍ଗତ ଗୋବିନ୍ଦପୁର ଅଞ୍ଚଳରେ ଘଟିଥିବା ଏକ ହତ୍ୟା ଘଟଣାର ରାୟ ଶୁଣାଇଛନ୍ତି ଗଜପତି ଜିଲ୍ଲା ଦୌରା ଜଜ୍ ପ୍ରଣବ କୁମାର ରାଉତରାୟ । ନିଜ ନାବାଳିକା ଝିଅ ଆଖି ଆଗରେ ସ୍ତ୍ରୀକୁ ଅତି ନିର୍ମମ ଭାବେ ହତ୍ୟା କରିଥିଲା ସ୍ୱାମୀ । ଯାହାର ରାୟ ଶୁଣାଇ ଗଜପତି ଜିଲା ଦୌରା ଜଜ୍ ଦୋଷୀକୁ ଆଜୀବନ କାରାଦଣ୍ଡାଦେଶ ଶୁଣାଇଛନ୍ତି । ଏଥିସହ 10 ହଜାର ଟଙ୍କାର ଜରିମାନା ଆଦାୟ କରିବାକୁ ମଧ୍ୟ ନିର୍ଦ୍ଦେଶ ଦେଇଛନ୍ତି ଜିଲ୍ଲା ଦୌରା ଜଜ୍ । ତେବେ ଜରିମାନା ଅନାଦେୟ ସ୍ଥଳେ ଅଧିକ ୧ବର୍ଷ ଅଧିକ କାରାଦଣ୍ଡାଦେଶ ଶୁଣାଇଥିବା ସୂଚନା ଦେଇଛନ୍ତି ସରକାରୀ ଓକିଲ ଶରତ ଚନ୍ଦ୍ର ପ୍ରଧାନ ।
ସୂଚନା ଅନୁଯାୟୀ, ଗଜପତି ଜିଲ୍ଲା ମୋହନା ଥାନା ଅନ୍ତର୍ଗତ ଗୋବିନ୍ଦପୁରର ଟାଙ୍ଗିଲିପଦର ଗ୍ରାମରେ ସୁବାସ ଚନ୍ଦ୍ର ନାୟକ ଓ ତାଙ୍କ ପତ୍ନୀ ରୁନିତା ନାୟକ ନିଜ ଝିଅ ସହ ରହୁଥିଲେ । ଗତ ୨୦୧୯ ମସିହା ଏପ୍ରିଲ ୫ତାରିଖ ଦିନ ସ୍ତ୍ରୀ ରୁନିତାଙ୍କୁ ହତ୍ୟା କରିଥିଲେ ସ୍ୱାମୀ ସୁବାଷ । ଚାନ୍ଦିପୁଟ ଛକରେ ଥିବା ଏକ କଲଭର୍ଟ ନିକଟରେ ରୁନୀତାଙ୍କୁ ଅତି ନିର୍ମମ ଭାବେ ହତ୍ୟା କରି ଫେରାର ହୋଇଯାଇଥିଲା ସୁବାଷ । ତେବେ ଏଭଳି ଦୃଶ୍ୟକୁ ନିଜ ଆଖିରେ ଦେଖିଥିବା ଝିଅ ମାମୁନିକୁ ଘଟଣା ସମ୍ପର୍କରେ କାହାକୁ ନଜଣାଇବା ପାଇଁ ତାଗିଦ କରିବା ସହ ଜଣେ ସମ୍ପର୍କୀୟଙ୍କ ଘରେ ଛାଡ଼ି ଫେରାର ହୋଇଯାଇଥିଲା ସୁବାଷ ।
