ଗଜପତି: ମୃଦୁ ପାନୀୟରୁ ଝିଟିପିଟି ବାହାରିଥିବା ବେଳେ ଏହାକୁ ପିଇ ଜଣେ ମହିଳା ଗୁରୁତର ହୋଇଛନ୍ତି । ମହିଳାଙ୍କ ନାମ ସସ୍ମିତା ଭୂୟାଁ । ଗଜପତି ଜିଲ୍ଲା ପାର୍ତଡ଼ା ପଞ୍ଚାୟତ ଅଧିନ ଗର୍ବା ଗ୍ରାମରେ ଏଭଳି ଘଟଣା ଘଟିଛି ।
ସସ୍ମିତା ସଉଦା କିଣିବା ପାଇଁ ବଜାରକୁ ଯାଇଥିଲେ । ପ୍ରବଳ ଖରା କାରଣରୁ ସେ ଦୋକାନକୁ ଯାଇ ଏକ ମୃଦୁ ପାନୀୟ କିଣି ନେଇ ଆସିଥିଲେ । ଘରେ ପହଞ୍ଚି ଏହାକୁ ପିଇ ସାରିବା ପରେ ହଠାତ ତାଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ହୋଇପଡିଥିଲା ବୋଲି କହିଛନ୍ତି ସସ୍ମିତାଙ୍କ ସ୍ବାମୀ ରଜତ ଭୁ୍ୟାଁ । ପରେ ମୃଦୁପାନୀୟରେ ଝିଟିପିଟି ପଡିଥିବା ଜଣାପଡିଥିଲା ।
ସ୍ଥାନୀୟ ଲୋକେ ସସ୍ମିତାଙ୍କୁ ପାରଳାଖେମୁଣ୍ଡି ସରକାରୀ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ବର୍ତ୍ତମାନ ତାଙ୍କର ଚିକିତ୍ସା ଜାରି ରହିଛି । ସସ୍ମିତା ଚିକିତ୍ସାଧୀନ ଥିବା ବେଳେ ଯଦି ଅଧିକ ଚିକିତ୍ସା ଆବଶ୍ୟକ ପଡେ ତାଙ୍କୁ ବ୍ରହ୍ମପୁର MKCG ହସ୍ପିଟାଲକୁ ସ୍ଥାନାନ୍ତରିତ କରାଯିବ ବୋଲି ଡାକ୍ତର କହିଛନ୍ତି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
