ଢେଙ୍କାନାଳ: ଚୋରି ବୋଲେରୋ ପିକଅପ ସହ କାର ଉଦ୍ଧାର । ଖୋର୍ଦ୍ଧା ବେଗୁନିଆରୁ ଦୁଇଜଣଙ୍କୁ ଗିରଫ କଲା ଢେଙ୍କାନାଳ ଟାଉନ ପୋଲିସ ।
ଢେଙ୍କାନାଳ ସହରର ରଥଗଡ଼ାରୁ ଏକ ବୋଲେରୋ ପିକ ଅପ ଭ୍ୟାନ ଚୋରି ଘଟଣାରେ ଟାଉନ ପୁଲିସ ଚୋରି ଘଟଣାର ପର୍ଦ୍ଧାଫାସ କରିଛି । ଚୋରି ହୋଇଥିବା ପିକ ଅପ ଭ୍ୟାନକୁ ଉଦ୍ଧାର କରିଥିବା ସହ ଚୋରି ଘଟଣାରେ ବ୍ୟବହୃତ ଅନ୍ୟ ଏକ ଚୋରା ହୁଣ୍ଡାଇ ଆସେଣ୍ଟ କାର କୁ ମଧ୍ୟ ଜବତ କରିଛି । ଏହି ଚୋରି ଘଟଣା କୁ ତଦନ୍ତ କରି ଖୋର୍ଦ୍ଧା ବେଗୁନିଆ ଅଂଚଳରୁ ଦୁଇ ଜଣଙ୍କୁ ପୁଲିସ ଗିରଫ କରିବାରେ ସକ୍ଷମ ହୋଇଛି । ଏହି ଘଟଣାରେ ଆହୁରି ଅଧିକ ସମ୍ପୃକ୍ତ ଥିବାରୁ ପୁଲିସ ଗିରଫ ଦୁଇ ଲୁଟେରାଙ୍କ ନାମ ଗୋପନ ରଖିଛି ।
ସୂଚନା ମୁତାବକ ଗତ ୨୧ତାରିଖ ରାତିରେ ଢେଙ୍କାନାଲ ସହରର ରଥଗଡା ଠାରୁ ଏହି ବୋଲେରୋ ପିକ ଅପ ଭ୍ୟାନ କୁ ଚୋରି କରିନେଇଥିଲେ ବୋଲି ଗାଡ଼ି ମାଲିକ ପ୍ରକାଶ କରିଛନ୍ତି । ତେବେ ପୁଲିସ ମୋବାଇଲ ଟ୍ରାକ କରି ଏହି ଗାଡିକୁ ଉଦ୍ଧାର କରିଥିବା ଢେଙ୍କାନାଲ ଏସ ଡ଼ିପିଓ ପ୍ରକାଶ କରିଛନ୍ତି ।
ଢେଙ୍କାନାଳରୁ ଉର୍ମିଳା ପାତ୍ର,ଇଟିଭି ଭାରତ
