ଢେଙ୍କାନାଳ: ଜିଲ୍ଲା ଭୁବନ ଥାନା ଅନ୍ତର୍ଗତ ଓଡିଶ ବାରୁଆଁ ପୁର୍ତ୍ତ ବିଭାଗ ରାସ୍ତାରେ ସଡକ ଦୁର୍ଘଟଣା । ସାଇକେଲ ଉପରେ ଏକ ଟ୍ରକ ମାଡିଯିବା ଫଳରେ ସାଇକେଲରେ ସ୍ବାମୀଙ୍କ ସହ ଯାଉଥିବା ଜଣେ ମହିଳାଙ୍କ ମୃତ୍ୟୁ ଘଟିଛି ।
ମୃତ ମହିଳା ଜଣକ ଭୁବନ ଥାନା ଅନ୍ତର୍ଗତ ଓଡିଶ ଗ୍ରାମର ମହେଶ୍ବର ଦାସଙ୍କ ପତ୍ନୀ ଗୁରୁବାରୀ ଦାସ ବୋଲି ଜଣାପଡିଛି । ଶୁକ୍ରବାର ଗୁରୁବାରୀ ସ୍ବାମୀଙ୍କ ସହିତ ସାଇକେଲ ଯୋଗେ ଓଡିଶ ଡାକ୍ତରଖାନାକୁ ଯାଉଥିଲେ । ଡାକ୍ତରଖାନା କିଛି ଦୂରରେ ଏକ ଟ୍ରକ ତାଙ୍କ ସାଇକେଲ ଉପରକୁ ମାଡି ଯାଇଥିଲା । ଫଳରେ ଦମ୍ପତିଙ୍କୁ ଗୁରୁତର ଅବସ୍ଥାରେ ଗ୍ରାମର ଲୋକମାନେ ଉଦ୍ଧାର କରି ଭୁବନ ଡାକ୍ତରଖାନାରେ ଭର୍ତ୍ତି କରିଥିଲେ।
ତେବେ ଗୁରୁବାରୀଙ୍କୁ ଡାକ୍ତର ମୃତ ଘୋଷଣା କରିଥିବା ବେଳେ ସ୍ବାମୀ ମହେଶ୍ବର ଗୁରୁତର ହୋଇଛନ୍ତି । ଘଟଣାସ୍ଥଳରୁ ଟ୍ରକ ଚାଳକ ଫେରାର ଥିବାବେଳେ ଗ୍ରାମବାସୀ ମୃତଦେହ ରଖି ରାସ୍ତା ଅବରୋଧ କରିଥିଲେ । ଖବରପାଇ ଭୁବନ ପୋଲିସ ଘଟଣା ସ୍ଥଳରେ ପହଞ୍ଚି ଲୋକମାନଙ୍କୁ ବୁଝାସୁଝା କରିବା ପରେ ରାସ୍ତା ଅବରୋଧ ହଟିଥିଲା । ପୋଲିସ ମୃତଦେହ ଉଦ୍ଧାର କରି ଭୁବନ ଡାକ୍ତରଖାନାକୁ ବ୍ୟବଚ୍ଛେଦ କରିବାକୁ ପଠାଇ ଅଧିକ ତଦନ୍ତ ଚଳାଇଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
