ଢେଙ୍କାନାଳ: NH-55ର ମୋଟଙ୍ଗା ଥାନା ଗୌଡ଼କାଟେଣି ନିକଟରେ ଘଟିଛି ଦୁର୍ଘଟଣା । ବାଇକରେ ଯାଉଥିବା ଜଣେ ଖେଳ ଶିକ୍ଷକ ଉପରେ ଚଢିଗଲା ଟ୍ରକ । ଘଟଣାସ୍ଥଳରେ ବାଇକ ଆରୋହୀଙ୍କ ମୃତ୍ୟୁ । ମୃତକ ହେଲେ ତାଳଚେର ଡିଏଭି ସ୍କୁଲର ଜଗନ୍ନାଥ ଦାସ । ସେ ତାଙ୍କ ବାଇକ ଯୋଗେ ତାଳଚେରରୁ ନିଜ ଘର ପୁରୀକୁ ଯାଉଥିଲେ । ତେବେ ବିପରୀତ ଦିଗରୁ ଏହି ଟ୍ରକଟି ବାଇକ ଉପରେ ଚଢ଼ି ଯାଇଥିବା ଜଣାପଡିଛି ।
ବାଇକ ଉପରେ ଚଢ଼ିଗଲା ଟ୍ରକ, ଖେଳ ଶିକ୍ଷକ ମୃତ
ଖବର ପାଇ ମୋଟଙ୍ଗା ପୁଲିସ ପହଞ୍ଚି ଦୁର୍ଗାଟଣା ଘଟାଇଥିବା ଟ୍ରକକୁ ଜବତ କରିବା ସହ ମୃତ ଦେହ ଉଦ୍ଧାର କରି ବ୍ୟବଛେଦ ପାଇଁ ପଠାଇଛି । ତେବେ ଟ୍ରକ ଡ୍ରାଇଭର ଫେରାର ହୋଇଯାଇଥିବା ଜଣାପଡିଛି । ପୋଲିସର ତଦନ୍ତ ଜାରି ରହିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
