ଢେଙ୍କାନାଳ: କପିଳାସ ରାସ୍ତାର କାଇମଟି ନିକଟସ୍ଥ ଛଣବଳୁଅ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା । ଦ୍ରୁତ ଗତିରେ ଏକ ବାଇକ ଭାରସାମ୍ୟ ହରାଇ ରାସ୍ତା ପାର୍ଶ୍ବ ଏକ ଗଛରେ ଧକ୍କା ହୋଇଛି । ଘଟଣାସ୍ଥଳରେ ୩ ଜଣଙ୍କ ମୃତ୍ୟୁ ଘଟିଛି।
ତେବେ ମୃତକ ହେଲେ ସ୍ଥାନୀୟ ଛଣବୋଲୁଅର କୈଳାଶ ସାହୁ, କାଇମାଟିର ସୁବ୍ରତ ଶାଶ୍ବତ ରାଉତ ଓ ଢେଙ୍କାନାଳ ସହର ରାମେଶ୍ବରପୁରର ବ୍ରହ୍ମାନନ୍ଦ ଦେହୁରୀ ବୋଲି ଜଣାପଡିଛି। ମୃତକ ହୋଲି ଖେଳି ଫେରୁଥିବାବେଳେ ଦ୍ରୁତ ଗତି ଯୋଗୁଁ ବାଇକ ଭାରସାମ୍ୟ ହରାଇ ରାସ୍ତା କଡରେ ଥିବା ଗଛରେ ଧକ୍କା ହୋଇଥିଲା ।
ପରେ ଦୁର୍ଘଟଣାସ୍ଥଳରେ ଚାପା ଉତ୍ତେଜନା ପ୍ରକାଶ ପାଇଥିଲା । ପୋଲିସ ପହଞ୍ଚିବା ପରେ ଉତ୍ତେଜନା ଥମିଥିବା ଜଣାପଡିଛି । ମୃତ ଦେହକୁ ଜବତ କରି ପୋଲିସ ବ୍ୟବଚ୍ଛେଦ ପାଇଁ ପଠାଇଛି।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
