ଢେ଼ଙ୍କାନାଳ: କାନଖାଇ ଜଙ୍ଗଲରେ ଚଢାଉ । ୨ଟି ଚୋରା କ୍ରୋମାଇଟ ବୋଝେଇ ଟ୍ରକ ଜବତ ସହ ୬ଜଣଙ୍କୁ ଗିରଫ କରିଛି ପୋଲିସ । ଢେଙ୍କାନାଳ କାନଖାଇ ଜଙ୍ଗଲରେ ଭୁବନ ପୋଲିସ ଚଢାଉ କରି ୨ଟି ଚୋରା କ୍ରୋମାଇଟ ବୋଝେଇ ଟ୍ରକ ଜବତ କରିବା ସହ ୬ଜଣଙ୍କୁ ଗିରଫ କରିଛି।
ଚଢାଉ ବେଳେ 2ଟି ଚୋରା କ୍ରୋମାଇଟ ଟ୍ରକ ଜବତ
ସୂଚନା ଅନୁଯାୟୀ, କୋରୋନାକୁ ନେଇ ଲକଡାଉନ ଲାଗୁ ହୋଇଥିବା ବେଳେ ଏହାର ସୁଯୋଗ ନେଇ ଢେ଼ଙ୍କାନାଳ ଜିଲ୍ଲା ଭୁବନରେ କ୍ରୋମାଇଟ ମାଫିଆମାନେ ସକ୍ରିୟ ହୋଇ ପଡିଛନ୍ତି । ଭୁବନ ଥାନାରେ ନୂତନ ଅଧିକାରୀ ଭାବେ ଜିତେନ୍ଦ୍ର ସାହୁ ଯୋଗ ଦେବାପରେ ସେ ତନାଘନା ଆରମ୍ଭ କରିଛନ୍ତି।
ଗତ ଗୁରୁବାର ବିଳମ୍ବିତ ରାତିରେ ଭୁବନ ପୋଲିସ କାନଖାଇ ଜଙ୍ଗଲରେ ଅଚାନକ ଚଢାଉ କରିଥିଲେ। ଏହି ଚଢାଉ ବେଳେ ଦୁଇଟି ଚୋରା କ୍ରୋମାଇଟ ବୋଝେଇ ଟ୍ରକକୁ ଜବତ ସହ 6 ଜଣ ଅଭିଯୁକ୍ତଙ୍କୁ ଗିରଫ କରିଛି ପୋଲିସ । ଏ ସଂପର୍କରେ ପୋଲିସ ଅଧିକ ତଦନ୍ତ ଜାରି ରଖିଛି।
ଢେ଼ଙ୍କାନାଳରୁ ଉର୍ମିଳା ପାତ୍ର,ଇଟିଭି ଭାରତ
