ଢେଙ୍କାନାଳ: ଜିଲ୍ଲା ବନବିଭାଗ ପକ୍ଷରୁ ଚୋରା କାଠ କାରବାର ଉପରେ ଘନ ଘନ ଚଢ଼ାଉ କରାଯାଉଛି । ବୁଧବାର ସିଆରିଆରୁ ବିପୁଳ ପରିମାଣରେ ଚୋର ଶାଳ କାଠ ଜବତ କରିଥିବାବେଳେ ପୁଣି ତାଳବରକୋଟ ଅଞ୍ଚଳରେ ଚଢ଼ାଉ କରାଯାଇଛି ।
ବନବିଭାଗର ଚଢ଼ାଉ: 10 ଲକ୍ଷ ଟଙ୍କାର ଶାଳ କାଠ ଜବତ
ବିଶେଷ ସୂତ୍ରରୁ ଖବରପାଇ ଗ୍ରାମ ଜଙ୍ଗଲରେ ସଦର ରେଞ୍ଜର ସଦଲବଳ ଏହି ଚଢ଼ାଉ କରିଥିଲେ । ଏହି ଚଢ଼ାଉରେ ୭ଶହ ସିଫ୍ଟ ଚୋରା ଶାଳ ଗଣ୍ଡି କାଠ ଜବତ କରାଯାଇଛି । ଜବତ କାଠର ଆନୁମାନିକ ମୂଲ୍ୟ ୧୦ ଲକ୍ଷ ଟଙ୍କା ହେବ ବୋଲି ଜଣାପଡିଛି । ତେବେ ଏକ ଚୋରା କାଠ ବୋଝେଇ ଟ୍ରାକ୍ଟର ଖସି ପଳାଇଥିବା ଜଣାପଡିଛି । ଫଳରେ ଘଟଣାସ୍ଥଳରୁ ଏହି କାଠ ଚାଲାଣ କରୁଥିବା ତାଳବରକୋଟର ପ୍ରଶାନ୍ତ ସାହୁଙ୍କୁ ବନବିଭାଗ ଅଟକ ରଖିଛି ।
ଏ ସଂପର୍କରେ ବନ ବିଭାଗ ପକ୍ଷରୁ ତନାଘନା ଯାଞ୍ଚ କରାଯାଉଛି ।
ଢେଙ୍କାନାଳରୁ ଉର୍ମିଳା ପାତ୍ର , ଇଟିଭି ଭାରତ
