ଢେଙ୍କାନାଳ: କାମାକ୍ଷାନଗର ତୁମୁସିଙ୍ଗ ଥାନା କଦଳିପାଳଠାରେ ହାତୀ ଆକ୍ରମଣ । ହାତୀ ଆକ୍ରମଣରେ ପୋଲିସ କର୍ମୀ ଗୁରୁତର । ଗୁରତର ଜଣକ ହେଲେ ତୁମୁସିଙ୍ଗା ଥାନା OAPF କର୍ମଚାରୀ ହୃଷିକେଷ ନାୟକ ।
ହାତୀ ଆକ୍ରମଣରେ ପୋଲିସ କର୍ମଚାରୀ ଗୁରୁତର
ସୂଚନା ଅନୁସାରେ, ହୃଷିକେଷ ଡ୍ୟୁଟି ସାରି ନିଜ ଘର କାମାକ୍ଷାନଗର ଥାନା ବମ୍ପୁ ଗ୍ରାମକୁ ଫେରୁଥିବା ବେଳେ କଦଳିପାଳ ଗ୍ରାମ ନିକଟରେ ହାତୀ ଆକ୍ରମଣ କରିଥିଲା । ଫଳରେ ଗୁରୁତର ଅବସ୍ଥାରେ ପ୍ରଥମେ କାମାକ୍ଷାନଗର ମେଡିକାଲ ଓ ପରେ କଟକ ମେଡିକାଲକୁ ସ୍ଥାନାନ୍ତର କରାଯାଇଛି । ତାଙ୍କ ଗୋଡ ଓ ଛାତିରେ ଗଭିର ଆଘାତ ଲାଗିଥିବା ଜଣାପଡିଛି । ଏହି ଅଞ୍ଚଳରେ ସଦାସର୍ବଦା ହାତୀ ମାନଙ୍କ ଉପ୍ରଦ୍ରବ ବଢିଚାଲିଛି । ସଂଧ୍ୟା ହେଲେ ହାତୀ ମାନଙ୍କ ଉପଦ୍ରବ ବଢିଯାଉଛି । ବିଭିନ୍ନ ସମୟରେ ଗ୍ରାମ ଭିତରକୁ ହାତୀ ପଶି ଆସୁଥିବାର ନଜିର ମଧ୍ୟ ରହିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
