ଢେଙ୍କାନାଳ: ପୂର୍ବ ଶତ୍ରୁତାକୁ ନେଇ ଦୁଇ ସାହି ଗୋଷ୍ଠୀ ବିବାଦ ଘଟଣା। ପ୍ରତିକ୍ରିୟା ରଖିଲେ ଢେଙ୍କାନାଳ ଏସପି। ଢେଙ୍କାନାଳ ଜିଲ୍ଲା କାମାକ୍ଷାନଗର NAC ଅନ୍ତର୍ଗତ ଗୋଡିସାହି ଓ କଲୋନୀ ସାହି ଗୋଷ୍ଠୀ ସଙ୍ଘର୍ଷ ଘଟଣାରେ ପତିକ୍ରିୟା ରଖିଲେ ଢେଙ୍କାନାଳ ଏସପି କେ.ଶିବା ଶୁବ୍ରମଣି ।
ଦୁଇ ସାହି ଗୋଷ୍ଠୀ ବିବାଦ ଘଟଣା
ଏସପି ନିଜେ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ଆହତ ରାଜକିଶୋରର ଭାଇ ସୂର୍ଯ୍ୟକାନ୍ତ ଥାନାର ପହଞ୍ଚି ଲିଖିତ ଅଭିଯୋଗ କରିଛନ୍ତି । କାମାକ୍ଷାନଗର ଥାନାରେ ଅଭିଯୋଗ ପରେ ତଦନ୍ତ ପ୍ରକ୍ରିୟା ତ୍ବରାନିତ ହୋଇଛି । ତେବେ ଏହି ଘଟଣାରେ ସମ୍ପୃକ୍ତ ଥିବା ସମସ୍ତ ଅଭିଯୁକ୍ତଙ୍କୁ ତୁରନ୍ତ ଧରାଯିବା ସହ ଦୁଇ ସାହିରେ କିପରି ସ୍ବାଭାବିକ ପରିସ୍ଥିତି ସୃଷ୍ଟି ହେବ ସେନେଇ ଚେଷ୍ଟା କରିବେ ବୋଲି କହିଛନ୍ତି ଢେଙ୍କାନାଳ ଏସପି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
