ଢେଙ୍କାନାଳ: ସହରରେ ବାରହା ଆତଙ୍କ । ଆକ୍ରମଣରେ ଯୁବକଙ୍କ ମୃତ୍ୟୁ ହୋଇଛି । ବାଞ୍ଝକୁସୁମ କାଜୁ ଜଙ୍ଗଲରୁ ମୃତଦେହକୁ ଜବତ କଲା ଟାଉନଥାନା ପୋଲିସ । ମୃତକ ହେଲେ ବାଞ୍ଝକୁସୁମ ଅଞ୍ଚଳର ଦିବାକର ପ୍ରଧାନ ।
ଢେଙ୍କାନାଳରେ ବାରହା ଆତଙ୍କ, ଆକ୍ରମଣରେ ଜଣେ ମୃତ
ସୂଚନାଅନୁସାରେ, ଦିବାକର ସୋମବାର ରାତିରୁ କାଜୁ ଜଙ୍ଗଲ ଜଗିବାକୁ ଯାଇ ଆଉ ଘରକୁ ଫେରିନଥିଲେ । ପରିବାର ପକ୍ଷରୁ ଗତକାଲି(ମଙ୍ଗଳବାର) ଖୋଜାଖୋଜି କରିବାବେଳେ ଦିବାକରଙ୍କ କ୍ଷତବିକ୍ଷତ ମୃତଦେହ କାଜୁ ଜଙ୍ଗଲରୁ ମିଳିଥିଲା । ତେବେ ବାରହା କାମୁଡି କାମୁଡି ମାରିଦେଇଥିବା ସନ୍ଦେହ ସୃଷ୍ଟି ହେଉଛି । ଖବରପାଇ ଟାଉନଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଛନ୍ତି । ଏହି ଘଟଣା ପରେ ଲୋକଙ୍କ ମଧ୍ୟରେ ଭୟ ସୃଷ୍ଟି ହୋଇଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
