ଢେଙ୍କାନାଳ: ହାତୀ ପରେ ଏବେ ଭାଲୁ ଉପରେ ଶିକାରୀଙ୍କ ଆଖି । ଭାଲୁକୁ ମାରି ଶିକାରୀ କାଟି ନେଲେ ନଖ ଓ ଦାନ୍ତ । ଢେଙ୍କାନାଳ ହିନ୍ଦୋଳ ବନାଞ୍ଚଳରୁ ଗତ ସପ୍ତାହରେ ଏକ ହାତୀକୁ ଗୁଳି କରି ଦାନ୍ତ କାଟି ନେଇଥିବାବେଳେ ଶିକାରୀମାନେ ଏବେ ଭାଲୁଙ୍କୁ ଟାର୍ଗେଟ କରିଛନ୍ତି । ଏପରିକି ଭୁବନ ଅଞ୍ଚଳରେ ଏକ ଭାଲୁକୁ ମାରି ଶିକାରୀ ନଖ ଓ ଦାନ୍ତ ଲୁଟି ନେଇଥିବା ଜଣାପଡିଛି ।
ଭାଲୁକୁ ମାରି ଶିକାରୀ କାଟିନେଲେ ନଖ ଓ ଦାନ୍ତ
ନୟାନିଳକଣ୍ଠପୁର ଗାଁ ନିକଟ ବିଲରେ ଏକ ଭାଲୁର କ୍ଷତବିକ୍ଷତ ମୃତଦେହ ଠାବ କରାଯାଇଛି । ମୃତ ଭାଲୁ ବିଲରେ ପଡିଥିବା ଲୋକେ ଦେଖିଥିଲେ । ଏନେଇ ବନ ବିଭାଗକୁ ଖବର ଦେଇଥିଲେ ସ୍ଥାନୀୟ ଲୋକେ । ମୃତଦେହ ଉଦ୍ଧାର କରି ତଦନ୍ତ ଚଳାଇଛି । ମୃତ ଭାଲୁର ନଖ ଓ ଦାନ୍ତ କେହି ଦୁବୃର୍ତ୍ତ ତାଡି ନେଇଥିବାବେଳେ କେହି ବିଷ ଦେଇ ମାରିଥିବା ସନ୍ଦେହ କରାଯାଉଛି । ମୃତ ଭାଲୁଟିର ବୟସ ୧୫ରୁ ୨୦ ବର୍ଷ ହେବ ବୋଲି ଅନୁମାନ କରାଯାଉଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
