ଦେବଗଡ଼: ଅନ୍ଧାରରେ ଦୁଇ ନାବାଳିକାଙ୍କ ଭବିଷ୍ୟତ । ରିଆମାଳ ବ୍ଲକ ଟୁହିଲାମାଳ ପଞ୍ଚାୟତର ଝିମ୍ପାବିରା ଗାଁରେ ମାଆବାପା ଛେଉଣ୍ଡ ଦୁଇ ନାବାଳିକାଙ୍କୁ ଲାଳନପାଳନ କରୁଛନ୍ତି 75 ବର୍ଷୀୟ ବୃଦ୍ଧ ଜେଜେବାପା । ବୟସାଧିକ କାରଣରୁ ଦୁଇ ନାତୁଣୀଙ୍କୁ ପାଳିବା ଏବେ ବୃୃଦ୍ଧଙ୍କ ପକ୍ଷରେ ସମ୍ଭାଳିବା ସମ୍ଭବପର ହୋଇପାରୁନାହିଁ । ଫଳରେ ଦୁଇ ମାଆବାପା ଛେଉଣ୍ଡ ନାବାଳିକାଙ୍କ ଭବିଷ୍ୟତ ଅନ୍ଧକାର ଠେଲି ହେବାକୁ ବସିଛି ।
ପୁଅବୋହୂ ଆରପାରିକୁ ଚାଲିଯିବା ପରେ ଛାଡ଼ି ଯାଇଛନ୍ତି ଦୁଇ ନାବାଳିକା ରୋଜି ବେହେରା (12) ଓ ରଶ୍ମିତା ବେହେରା (8) । ଏହି ଦୁଇ ନାବାଳିକାଙ୍କ ଲାଳନ ପାଳନ ଭାର ଏବେ ବୃଦ୍ଧ ଅଜା ଚନ୍ଦ୍ରମଣିଙ୍କ ଉପରେ ରହିଛି । ତେବେ ବୟସ ଅଧିକ କାରଣରୁ ବୃଦ୍ଧଙ୍କ ପକ୍ଷରେ କାମଧନ୍ଦା କରି ଦୁଇ ନାତୁଣୀଙ୍କୁ ଲାଳନପାଳନ କରିବା ଆଉ ସମ୍ଭବପର ହେଉନାହିଁ ।
ମାଆବାପା ଛେଉଣ୍ଡ ଦୁଇ ନାବାଳିକାଙ୍କ ପାଇଁ ସରକାରୀ ସହାୟତା ଜରୁରୀ ହୋଇପଡ଼ିଛି । ଜିଲ୍ଲା ଶିଶୁ ସୁରକ୍ଷା ବିଭାଗ ଏଥିପ୍ରତି ତୁରନ୍ତ ଦୃଷ୍ଟି ଦେବାକୁ ଗ୍ରାମବାସୀ ଦାବି କରିଛନ୍ତି ।
ଦେବଗଡ଼ରୁ ସରୋଜ ଶତପଥି, ଇଟିଭି ଭାରତ
