ଦେବଗଡ: ଚାଷ ଜମିରୁ ଗଳିତ ମୃତଦେହ ଉଦ୍ଧାର । ଦେବଗଡ ଆଦର୍ଶ ଥାନା ଅନ୍ତର୍ଗତ ବଣିଆକିଲିଣ୍ଡା ଗ୍ରାମର ଏକ ଚାଷ ଜମିରୁ ଜଣେ ବ୍ୟକ୍ତିଙ୍କ ମୃତଦେହ ଉଦ୍ଧାର କରାଯାଇଛି । ମୃତକ ଜଣଙ୍କ ହେଉଛନ୍ତି ବାରକୋଟ ଥାନା ଅନ୍ତର୍ଗତ ବଳିତା ଗ୍ରାମର 48 ବର୍ଷ ବୟସ୍କ ଝସକେତନ ବେହେରା । ସେ କିଛିଦିନ ହେବ ନିଖୋଜ ଥିବା ବେଳେ ଆଜି ତାଙ୍କ ମୃତଦେହ ଉଦ୍ଧାର କରାଯାଇଛି । ତେବେ ମୃତ୍ୟୁର କାରଣ ଅସ୍ପଷ୍ଟ ଥିବା ବେଳେ ତଦନ୍ତ ଜାରି ରଖିଛି ପୋଲିସ ।
ଚାଷ ଜମିରୁ ନିଖୋଜ ବ୍ୟକ୍ତିଙ୍କ ମୃତଦେହ ଉଦ୍ଧାର, କାରଣ ଅସ୍ପଷ୍ଟ ମିଳିଥିବା ସୂଚନା ଅନୁଯାୟୀ, ଗତ ଅଗଷ୍ଟ 26 ତାରିଖ ଦିନ ଏକ କେଶରେ ହାଜର ହେବାପାଇଁ ଦେବଗଡ କୋର୍ଟକୁ ଆସି ଆଉ ଘରକୁ ଫେରି କେଉଁଆଡେ ନିଖୋଜ ହୋଇଯାଇଥିଲେ ମୃତ ଝସକେତନ ବେହେରା । ତାଙ୍କ ସାଥୀରେ ଆସିଥିବା ଅନ୍ୟ ଜଣେ ବ୍ୟକ୍ତି ଘରକୁ ଫେରିଥିବା ବେଳେ ଝସକେତନ ନଫେରିବାରୁ ପରିବାର ପକ୍ଷରୁ ବହୁ ଖୋଜାଖୋଜି କରିଥିଲେ । ଏହାପରେ ଦୁଇଟି ଭିନ୍ନ ଭିନ୍ନ ସ୍ଥାନରୁ ତାଙ୍କ ସାର୍ଟ ଓ ଗାମୁଛା ମିଳିଥିବା ବେଳେ ତାଙ୍କର କୌଣସି ପତ୍ତା ମିଳିନଥିଲା।
ଏହା ମଧ୍ୟ ପଢନ୍ତୁ-କମିବ ଗୁଳୁଗୁଳି, ରାଜ୍ୟରେ ୫ରୁ ବଢିବ ବର୍ଷା
ଶନିବାର ବଣିଆକିଲିଣ୍ଡା ଗ୍ରାମର ଲୋକେ ଚାଷ କାର୍ଯ୍ୟ ପାଇଁ ଜମିକୁ ଯାଇଥିବା ବେଳେ ଏକ ଗଳିତ ମୃତଦେହ ପଡିଥିବା ଦେଖିବାକୁ ପାଇଥିଲେ । ଏନେଇ ପରିବାର ଲୋକଙ୍କୁ ଖବର ଦେବାପରେ ଘଟଣାସ୍ଥଳରେ ପହଞ୍ଚି ମୃତଦେହର ବେକ ଓ ହାତରେ ବନ୍ଧା ଥିବା ସୁତାରୁ ଝସକେତନଙ୍କୁ ଚିହ୍ନଟ କରିଥିଲେ। ଏହାପରେ ଘଟଣାସ୍ଥଳରେ ଦେବଗଡ ଆଦର୍ଶ ଥାନା ପୋଲିସ ପହଞ୍ଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଥିଲା । ତେବେ ଝସକେତନଙ୍କ ମୃତ୍ୟୁ କିପରୁ ହେଲା ତାହା ଅସ୍ପଷ୍ଟ ରହିଥିବା ବେଳେ ପୋଲିସ ତଦନ୍ତ ଜାରି ରଖିଛି । ଏହା ଏକ ସୁପରିକଳ୍ପିତ ହତ୍ୟାକାଣ୍ଡ ହୋଇ ଥାଇପାରେ ବୋଲି ପୋଲିସ ସନ୍ଦେହ କରୁଛି । ଏନେଇ ପୋଲିସ ତରଫରୁ କୌଣସି ପ୍ରତିକ୍ରିୟା ମିଳିନଥିବା ବେଳେ ପରିବାର ତରଫରୁ ମଧ୍ୟ କୌଣସି ପ୍ରତିକ୍ରିୟା ମିଳିପାରିନାହିଁ । ପୋଲିସର ତଦନ୍ତ ପରେ ମୃତ୍ୟୁର ପ୍ରକୃତ କାରଣ ସାମ୍ନାକୁ ଆସିବ । ଯଦି ଏହା ଏକ ହତ୍ୟାକାଣ୍ଡ ହୋଇଥାଏ, ତେବେ କିଏ ଓ କାହିଁକି ଝସକେତନକୁ ହତ୍ୟା କଲା ସନେଇ ତଦନ୍ତ କରିବ ପୋଲିସ ।
ଇଟିଭି ଭାରତ, ଦେବଗଡ
