ଦେବଗଡ଼: ରେଞ୍ଜ ଅଧିନ କାଲକାଟ ଗ୍ରାମରେ ହାତୀ ଆକ୍ରମଣରେ 60 ବର୍ଷୀୟ ବୃଦ୍ଧଙ୍କ ମୃତ୍ୟୁ । ମୃତକ ଜଣକ ହେଲେ ବାରକୋଟ ବ୍ଲକ ଅନ୍ତର୍ଗତ କାଲକାଠ ଗ୍ରାମର ଚେରୁ କିଷାନ । ଗତକାଲି(ମଙ୍ଗଳବାର) ବିଳମ୍ବିତ ରାତିରେ ଏହି ଅଘଟଣ ଘଟିଛି ।
Elephant Attack: ଚାଲିଗଲା ବୃଦ୍ଧଙ୍କ ଜୀବନ
ମିଳିଥିବା ସୂଚନା ଅନୁଯାୟୀ, ଦେବଗଡ ରେଞ୍ଜ ଅନ୍ତର୍ଗତ କାଲକାଠ ଗ୍ରାମର ଚେରୁ କିଷାନ ଓ ତାଙ୍କ ସ୍ତ୍ରୀ ଘରେ ଥିବାବେଳେ ହାତୀ ପଲ ବାଡ ଭାଙ୍ଗି ଘରକୁ ପଶିବା ପାଇଁ ଚେଷ୍ଟା କରିଥିଲେ । ଚେରୁ ଓ ତାଙ୍କ ସ୍ତ୍ରୀ ଭୟରେ ବାହାରକୁ ପଳାଇ ଆସିଥିଲେ । କିନ୍ତୁ ଚେରୁ ଏକ ଦନ୍ତା ହାତୀ ହାବୁଡରେ ପଡିଯାଇଥିଲେ । ସେହିଠାରେ ହିଁ ଚେରୁଙ୍କୁ ଦଳି ଦେଇଥିଲା ଦନ୍ତା । ଖବରପାଇ ଦେବଗଡ ରେଞ୍ଜର ଦେବଦତ୍ତ ନନ୍ଦ ଓ ବନ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ହାତୀ ଉପଦ୍ରବ ଦିନକୁ ଦିନ ଅସହ୍ୟ ହୋଇ ପଡ଼ିଥିବାବେଳେ ଏନେଇ ଲୋକଙ୍କ ମଧ୍ୟରେ ଆତଙ୍କ ଖେଳି ଯାଇଛି ।
ଦେବଗଡ଼ରୁ ସରୋଜ ଶତପଥୀ, ଇଟିଭି ଭାରତ
