କଟକ: ଦେଶୀ ମଦ ପିଇ ଜିଲ୍ଲାର କୁହୁଣ୍ଡା ମୁଣ୍ଡାସାହିର ପୂର୍ବତନ ସମିତି ସଭ୍ୟା ପଦ୍ମିନୀଙ୍କ ମୃତ୍ୟୁ ଘଟିଛି। ସୂଚନା ଅନୁଯାୟୀ ପଦ୍ମିନୀ ଅନେକ ସମୟରେ ଦେଶୀ ମଦ ପିଉଥିଲେ। ହଠାତ ଶୁକ୍ରବାର ସନ୍ଧ୍ୟାରେ ସେ ଅସୁସ୍ଥ ଅନୁଭବ କରିବାରୁ ତାଙ୍କୁ ମାହାଙ୍ଗା ସରକାରୀ ହସ୍ପିଟାଲକୁ ନିଆଯାଇଥିଲା। ତେବେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ।
ଦେଶୀ ମଦ ନେଲା ଜୀବନ !
ଦେଶୀ ମଦ ପଦ୍ମିନୀଙ୍କ ମୄତୁର କାରଣ ବୋଲି ତାଙ୍କ ପୁଅ ଅଭିଯୋଗ କରିଛନ୍ତି। ପଦ୍ମିନୀ ପୁର୍ବରୁ ମୁଣ୍ଡାସାହିର ୱାର୍ଡ ମେମ୍ବର, ସମିତି ସଭ୍ୟା ଭାବେ ନିର୍ବାଚିତ ହୋଇଥିଲେ। ଉକ୍ତ ଅଞ୍ଚଳରେ ଦେଶୀ ମଦ ପିଇ ପୁର୍ବରୁ ୫ ଜଣଙ୍କର ମୃତୁ ଘଟିଥିଲେ ବି ପ୍ରଶାସନ କୌଣସି ପଦକ୍ଷେପ ନେଉନଥିବା ଅଭିଯୋଗ ହୋଇଛି। ଅବକାରୀ ବିଭାଗ ଓ ପୋଲିସ ପ୍ରଶାସନକୁ ଖାତିର ନକରି ଉକ୍ତ ଅଞ୍ଚଳରେ ବେଧଡକ ନିଶା ଦ୍ରବ୍ୟ ବିକ୍ରି କରାଯାଉଥିଲେ ମଧ୍ୟ ଏଥିପ୍ରତି କାହାର ନଜର ପଡୁନଥିବା ଅଭିଯୋଗ କରିଛନ୍ତି ଲୋକେ।
କଟକରୁ ନାରାୟଣ ସାହୁ, ଇଟିଭି ଭାରତ
