କଟକ: ତେଲେଙ୍ଗାପେଣ୍ଠ ଅଞ୍ଚଳରେ ଘଟିଥିବା ଦୁଃଖଦ ଦୁର୍ଘଟଣାରେ 3 ଜଣଙ୍କର ମୃତ୍ୟୁ ହୋଇଛି । ଏହି ଘଟଣାରେ ପୋଲିସ 2ଟି ପୃଥକ ମାମଲା ରୁଜୁ କରିଛି ।
ତେଲେଙ୍ଗାପେଣ୍ଠ ଦୁର୍ଘଟଣା ମାମଲା, ଦୁଇଟି ମାମଲା ରୁଜୁ
ତଦନ୍ତ ପାଇଁ ଏକ ଟିମ ମଧ୍ୟ ଗଠନ କରାଯାଇଛି । କେଉଁ ସ୍ଥିତିରେ କାରଟି ଦୁର୍ଘଟଣାଗସ୍ତ ହେଲା । ଏହାର ବେଗ କେତେ ଥିଲା । ଏହି ତମାମ ପ୍ରଶ୍ନ ଉପରେ ଚାଲିଛି ତଦନ୍ତ । ତେବେ ଖୁବ ଶୀଘ୍ର ନିଷ୍କର୍ଷ ଆସିବା ନେଇ କହିଛନ୍ତି କଟକ ଡିସିପି ପ୍ରତୀକ ସିଂ ।
ସୂଚନା ଅନୁଯାୟୀ, ଭୁବନେଶ୍ବରରୁ କଟକ ଅଭିମୁଖେ ବାହାରିଥିବା ଏକ ଜାଗୁଆର କାର ଭାରସାମ୍ୟ ହରାଇ ତେଲେଙ୍ଗାପେଣ୍ଠ ନିକଟସ୍ଥ 16 ନମ୍ବର ଜାତୀୟ ରାଜପଥରେ ଦୁର୍ଘଟଣାର ଶିକାର ହୋଇଥିଲା । କାର୍ ରେ 3ଜଣ ଯୁବକ ରହିଥିଲେ । ସମସ୍ତଙ୍କ ଗୁରୁତର ଅବସ୍ଥାରେ ଏସସିବି ମେଡିକାଲକୁ ନିଆଯାଇଥିଲା । ମାତ୍ର ଡାକ୍ତର ସେଠାରେ ସମସ୍ତ 3 ଜଣଙ୍କୁ ମୃତ ଘୋଷଣା କରିଥିଲେ ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
