କଟକ: ଥମୁନି ଓଟିଇଟି ବିବାଦ । ନ୍ୟାୟ ପାଇଁ ପୁଣିଥରେ ଆନ୍ଦୋଳନକୁ ଓହ୍ଲାଇଛନ୍ତି ଓଟିଇଟି ପରୀକ୍ଷାର୍ଥୀ। ଶତାଧିକ ପରୀକ୍ଷାର୍ଥୀ ଆଜି (ମଙ୍ଗଳବାର) ବୋର୍ଡ କାର୍ଯ୍ୟାଳୟ ଆଗରେ ବିକ୍ଷୋଭ ପ୍ରଦର୍ଶନ କରିଛନ୍ତି।
ନ୍ୟାୟ ପାଇଁ ଆନ୍ଦୋଳନରେ ପୁଣି ଓଟିଇଟି ପରୀକ୍ଷାର୍ଥୀ
ଓଟିଇଟି ପରୀକ୍ଷାରେ ଅନେକ ତ୍ରୁଟି ରହିଥିବା ଅଭିଯୋଗ କରିଛନ୍ତି ପରୀକ୍ଷାର୍ଥୀ । କର୍ତ୍ତୃପକ୍ଷଙ୍କ ତ୍ରୁଟି ଯୋଗୁଁ ଅନେକ ପରୀକ୍ଷାର୍ଥୀ ବିଫଳ ହୋଇଛନ୍ତି । ସେହିପରି ପରୀକ୍ଷାର୍ଥୀ ମାନଙ୍କୁ କୌଣସି ଗ୍ରେସ ମାର୍କ ପ୍ରଦାନ କରାଯାଇନଥିବା ସେମାନେ ଅଭିଯୋଗ କରିଛନ୍ତି ।
ଅନ୍ୟପଟେ ବୋର୍ଡ ପରୀକ୍ଷା ନିୟନ୍ତ୍ରକ କହିଛନ୍ତି ପ୍ରଶ୍ନପତ୍ର ଅନୁବାଦରେ ଯେଉଁ ତ୍ରୁଟି ଥିଲା ସେଥିପାଇଁ ଗ୍ରେସମାର୍କ ଦିଆଯାଇଛି । ଅଭିଜ୍ଞ କମିଟି ଦ୍ବାରା ଯାଞ୍ଚ କରାଯାଇଛି । ତେବେ ପୂର୍ବବର୍ଷ ଅପେକ୍ଷା ଚଳିତବର୍ଷ ଭଲ ରେଜଲ୍ଟ ହୋଇଥିବା ବୋର୍ଡ ପରୀକ୍ଷା ନିୟନ୍ତ୍ରକ କହିଛନ୍ତି ।
କଟକରୁ ନାରାୟଣ ସାହୁ, ଇଟିଭି ଭାରତ
