କଟକ: ଜିଲ୍ଲାର ଚୌଦ୍ବାର ବିରୂପା ବ୍ୟାରେଜ ଉପରୁ ପାଣିକୁ ଡେଇଁ ଯୁବକ ନିଖୋଜ । ଯୁବକଙ୍କ ପରିଚୟ ମିଳିପାରି ନଥିବା ବେଳେ ଘଟଣାସ୍ଥଳରେ ଅଗ୍ନିଶମ ବିଭାଗ ଓ ଓଡ୍ରାଫ ଟିମ ପହଞ୍ଚି ସର୍ଚ୍ଚ ଅପରେସନ ଆରମ୍ଭ କରିଛି ।
ବିରୂପା ବ୍ୟାରେଜରୁ ଡେଇଁ ଯୁବକଙ୍କ ଆତ୍ମହତ୍ୟା ଉଦ୍ୟମ, ମିଳୁନି ପତ୍ତା
ତେବେ କିଏ ସେ ଯୁବକ, ତାହାକୁ ନେଇ ଜାରି ରହିଛି ଆଲୋଚନା । ଘଟଣାସ୍ଥଳରେ ଗୋଟିଏ ସାଇକେଲ ଓ ଚପଲ ରହିଥିବା ଦେଖିବାକୁ ମିଳିଛି । ଯୁବକ ଜଣକ ନଦୀରେ ଡେଇଁବା ପୂର୍ବରୁ କିଛି ଲୋକ ତାଙ୍କ ସହିତ କଥାବାର୍ତ୍ତା କରିବାକୁ ଉଦ୍ୟମ କରିଥିଲେ । କିନ୍ତୁ ଯୁବକ ଜଣକ ସେମାନଙ୍କ କଥା ହେବା ପୂର୍ବରୁ ନଦୀରେ ଡେଇଁପଡିଥିବା ଜଣାପଡ଼ିଛି ।
ଏଯାବତ୍ ଉକ୍ତ ବ୍ୟକ୍ତିଙ୍କ ପରିଚୟ ମିଳିପାରିନାହିଁ । ସେପଟେ ସେ ଜୀବିତ କି ମୃତ ସେ ସମ୍ପର୍କରେ ମଧ୍ୟ ସୂଚନା ମିଳିନାହିଁ । ଉଦ୍ଧାରକାରୀ ଟିମ ନିଖୋଜ ଯୁବକଙ୍କୁ ଖୋଜୁଛନ୍ତି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
