କଟକ: ମାଲଗୋଦାମ ଅଞ୍ଚଳରେ ଥିବା ଏକ ଘରୋଇ ଡାଇଗ୍ନୋଷ୍ଟିକ ସେଣ୍ଟରର ମାଲିକ ବସନ୍ତ ବଳଙ୍କ ନାମରେ ଆସିଛି ସଙ୍ଗୀନ ଅଭିଯୋଗ । ପାରାଦ୍ବୀପର ଜଣେ ମହିଳାଙ୍କୁ ସେହି ଡାଇଗ୍ନୋଷ୍ଟିକ ସେଣ୍ଟର ମଧ୍ୟରେ ବଳ ପୂର୍ବକ ଅସଦାଚରଣ କରିବା ସହ ଯୋର ଜବରଦସ୍ତ ମହିଳାଙ୍କ ସହ ଶାରିରୀକ ସଂପର୍କ ରଖିବା ପାଇଁ ବାଧ୍ୟ କରିଥିଲେ । ଯଦି ସଂପର୍କ ନ ରଖନ୍ତି ତେବେ ତାଙ୍କ ସ୍ବାମୀଙ୍କୁ ଜୀବନରୁ ମାରି ଦେବାକୁ ଧମକ ଦେଇଥିଲେ ।
ତେବେ ଏହି ଘଟଣା ଗତ 17 ତାରିଖ ଦିନ ଘଟିଥିବା ନେଇ କଟକ ମାଲଗୋଦାମ ଥାନାରେ ଏତଲା ଦେଇଥିଲେ ପୀଡିତା ମହିଳା । ମହିଳାଙ୍କ ଅଭିଯୋଗ ଅନୁସାରେ ପୋଲିସ ମାମଲା ରୁଜୁ କରି ମହିଳାଙ୍କ ବୟାନ ରେକର୍ଡ କରିଛି । ତେବେ ମାଲଗୋଦାମ ଥାନା ପୋଲିସ ଅଭିଯୁକ୍ତଙ୍କୁ ଖୋଜିବା ସହ ଡାଇଗ୍ନୋଷ୍ଟିକ ସେଣ୍ଟରକୁ ନେଇ ପଚରାଉଚୁରା ଜାରି ରଖିଛି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
