କଟକ: ଗିରଫ ହେଲେ ମହାନଦୀ ନର୍ଥ ଡ଼ିଭିଜନ ଅଧୀନ ପୁନ୍ଦାଳ ନଦୀବନ୍ଧ ଉପଖଣ୍ଡର ସହକାରୀ ନିର୍ବାହୀ ଯନ୍ତ୍ରୀ ବିଜ୍ଞାନ ବେଉରା। କଟକ ଜିଲ୍ଲା ବାଙ୍କି ବ୍ଲକରେ ସ୍ଟାଇପେଣ୍ଡାରୀ ଇଞ୍ଜିନିୟର ଭାବେ କାର୍ଯ୍ୟ କରୁଥିଲେ ସେ । ଏହି ସମୟରେ ମିଥ୍ୟା କାଗଜ ପତ୍ରରେ ଇନ୍ଦିରା ଆବାସ ଘର ନାଁରେ ସରକାରୀ ଅର୍ଥ ଆତ୍ମସାତ କରିଥିବା ଅଭିଯୋଗରେ ଭିଜିଲାନ୍ସ ପକ୍ଷରୁ ହୋଇଥିଲା।
ଏହି ମାମଲାରେ କଟକ ସ୍ବତନ୍ତ୍ର ଭିଜିଲାନ୍ସ କୋର୍ଟ ତାଙ୍କୁ ଦୋଷୀ ସାବ୍ୟସ୍ତ କରିବା ସହିତ IPC 465,471 ଓ 121-B ଅନୁଯାୟୀ 2ବର୍ଷ କାରାଦଣ୍ଡ ଓ 10ହଜାର ଜୋରିମାନା ନିର୍ଦ୍ଦେଶ ଦେଇଛନ୍ତି । ବିଜ୍ଞାନ ବେଉରା ଗତ ବର୍ଷ କଟକ ଡ୍ରେନେଜ ବିଭାଗରେ କାର୍ଯ୍ୟ କରୁଥିବା ସମୟରେ ଲାଞ୍ଚ ନେଇ ମଧ୍ୟ ଭିଜିଲାନ୍ସ ଦ୍ବାରା ଗିରଫ ହୋଇଥିଲେ।
ଗତ 2019 ମାର୍ଚ୍ଚ ମାସରେ ମହାନଦୀ ନର୍ଥ ଡ଼ିଭିଜନ,ଜଗତପୁର ଅଧୀନ ପୁନ୍ଦାଳ ନଦୀ ବନ୍ଧ ଉପଖଣ୍ଡରେ ସହକାରୀ ନିର୍ବାହୀ ଯନ୍ତ୍ରୀ ଭାବେ କାର୍ଯ୍ୟକରୁଥିଲେ । ତେବେ ଏକ ଦୁର୍ନୀତି ଖୋର ଯନ୍ତ୍ରୀଙ୍କୁ ରାଜ୍ୟ ସରକାର ବାରମ୍ବାର ବିଭିନ୍ନ ବିଭାଗର ବହୁ ଗୁରୁତ୍ବପୂର୍ଣ୍ଣ ପଦବୀରେ ନିଯୁକ୍ତି କରିବାକୁ ନେଇ ସନ୍ଦେହ ଉପୁଜିଛି । ତେବେ ବିଭାଗୀୟ ନିର୍ଦ୍ଦେଶ ଆସିଲେ ବିଜ୍ଞାନ ବେଉରାଙ୍କୁ ନିଲମ୍ବନ କରାଯିବ ବୋଲି ମହାନଦୀ ନର୍ଥ ଡ଼ିଭିଜନର ନିର୍ବାହୀ ଯନ୍ତ୍ରୀ ଚିତ୍ତରଂଜନ ଜେନା ପ୍ରତିକ୍ରିୟା ରଖିଛନ୍ତି ।
କଟକରୁ ନାରାୟଣ ସାହୁ,ଇଟିଭି ଭାରତ
