କଟକ: ରାଜ୍ୟରେ ଧୀରେ ଧୀରେ କାୟାବିସ୍ତାର କରୁଛି ଡେଙ୍ଗୁ। ଏସସିବିରେ ବଢୁଛି ଡେଙ୍ଗୁରୋଗୀଙ୍କ ସଂଖ୍ୟା । ଶନିବାର ଏସସିବି ଡେଙ୍ଗୁୱାର୍ଡରେ ୫୮ ଜଣ ଡେଙ୍ଗୁରୋଗୀ ଚିକିତ୍ସିତ ହେଉଥିବାବେଳେ ସେମାନଙ୍କ ମଧ୍ୟରୁ ୫ ଜଣ ଡେଙ୍ଗୁ ରୋଗୀ ଆଇସିୟୁରେ ଭର୍ତ୍ତି ହୋଇଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ଏସସିବିରେ ୬୫ଟି ରକ୍ତନମୁନା ପରୀକ୍ଷା କରାଯାଇଥିବାବେଳେ ୧୬ଟି ପଜେଟିଭ ଥିବା ଜଣାପଡିଛି । ସେଥିରୁ କଟକରୁ ୪ ,ଯାଜପୁରରୁ ୨ ଜଣ, ଜଗତସିଂହପୁରରୁ ୨ଜଣ, ଭଦ୍ରକରୁ ୩ ଜଣ, ବାଲେଶ୍ୱରରୁ ୧, କେନ୍ଦ୍ରାପଡ଼ାରୁ ଜଣେ, ମୟୁରଭଞ୍ଜରୁ ଜଣେ ଓ ପଶ୍ଚିମବଙ୍ଗରୁ ଜଣେ ଲେଖାଏଁ ଡେଙ୍ଗୁରୋଗୀଙ୍କର ରକ୍ତନମୁନା ପଜେଟିଭ ଥିବା ଜଣାପଡିଛି ।
କଟକରୁ ଯେଉଁ ୪ ଜଣ ଡେଙ୍ଗୁରୋଗୀ ଅଛନ୍ତି ସେଥିରୁ ସିଡ଼ିଏ, କଲ୍ୟାଣିନଗର, ତ୍ରିଲୋଚନପୁର ଓ ଚାଉଳିଆଗଞ୍ଜରୁ ଜଣେ ଲେଖାଏଁ ଡେଙ୍ଗୁରୋଗୀ ଚିହ୍ନଟ କରାଯାଇଛି ।
କଟକରୁ ନାରାୟଣ ସାହୁ, ଇଟିଭି ଭାରତ
