କଟକ: କଟକ ଗତିରାଉତ ପାଟଣାରେ 22 ଦିନ ଧରି ନାବାଳିକା ଦୁଷ୍କର୍ମ ମାମଲା । ଏହି ମାମଲାରେ ଅନ୍ୟ ଜଣେ ଫେରାର ଥିବା ଅଭିଯୁକ୍ତକୁ ଗିରଫ କରିବାରେ ସଫଳ ହୋଇଛି କମିଶନରେଟ ପୋଲିସ । ପୂର୍ବରୁ ଜଣଙ୍କୁ ଗିରଫ କରାଯାଇ ଥିବାବେଳେ ଦ୍ବିତୀୟ ଅଭିଯୁକ୍ତକୁ ଗିରଫ କରିଛି ଚାଉଳିଆଗଞ୍ଜ ଥନା ପୋଲିସ ।
ଗିରଫ ହୋଇଥିବା ଦୁଇ ଅଭିଯୁକ୍ତ ହେଲେ ସନ୍ତୋଷ ବେହେରା ଓ ରାକେଶ ରାଉତ । ଉଭୟଙ୍କୁ ଗିରଫ ପରେ ପଚରାଉଚରା କରୁଛି ପୋଲିସ । ଏହି ମାମଲାରେ ଶୀଘ୍ର ତଦନ୍ତ ଶେଷ କରି ଅଭିଯୋଗ ପତ୍ର ଦାଖଲ କରାଯିବ । ମାମଲା ହେବାର 24 ଘଣ୍ଟା ମଧ୍ୟରେ ଦୁଇ ଅଭିଯୁକ୍ତଙ୍କୁ ଗିରଫ କରିଥିବାରୁ କଟକ ଡିସିପି ଓ ଇନ୍ସପେକ୍ଟରଙ୍କୁ ସାଧୁବାଦ ଜଣାଇଛନ୍ତି ପୋଲିସ କମିଶନର ସୁଧାଂଶୁ ଷଡଙ୍ଗୀ ।
କଟକରୁ ପ୍ରଭୁକଲ୍ୟାଣ ପାଲ, ଇଚିଭି ଭାରତ
