କଟକ: ପୋଲିସ କବଜାରେ ଲୁଟେରା ଦଳ । କମିଶନରେଟ ପୋଲିସକୁ ବଡ ସଫଳତା । ଏକ ବଡ ଲୁଟେରା ଗ୍ୟାଙ୍ଗକୁ ଧରିବାରେ ସଫଳ ହୋଇଛି ମଧୁପାଟଣା ଥାନା ପୋଲିସ ।
ସୂଚନାନୁସାରେ, ଗତକାଲି ଜଣେ ବ୍ୟକ୍ତି ରାସ୍ତାରେ ଯାଉଥିବା ବେଳେ 6ଜଣ ଦୁର୍ବୃ୍ତ୍ତ ବନ୍ଧୁକ ଦେଖାଇ ତାଙ୍କୁ ଅଟକାଇବା ସହିତ ତାଙ୍କଠାରୁ ମୋବାଇଲ ଓ ଟଙ୍କା ଛଡାଇ ନେଇଥିଲେ । ଏନେଇ ବ୍ୟକ୍ତି ଜଣଙ୍କ ମଧୁପାଟଣା ଥାନାରେ ଅଭିଯୋଗ କରିଥିଲେ । ଅଭିଯୋଗ ଆଧାରରେ ପୋଲିସ ଘଟଣାର ତଦନ୍ତ ଆରମ୍ଭ କରିଥିଲା ।
ଘଟଣାର 24 ଘଣ୍ଟା ନ ପୁରୁଣୁ ପୋଲିସ ଦୁର୍ବୃତ୍ତଙ୍କୁ ଧରିବାରେ ସଫଳ ହୋଇଛି । ଘଟଣାରେ 5ଜଣ ଦୁର୍ବୃତ୍ତଙ୍କୁ ଗିରଫ କରିଛି ପୋଲିସ । ଗିରଫ ପାଞ୍ଚଜଣଙ୍କ ନାମରେ ପୂର୍ବରୁ ଥାନାରେ ଅନେକ ମାମଲା ରହିଛି । ସେମାନେ କଟକ,କେନ୍ଦ୍ରାପଡା, ଜଗତସିଂହପୁର ଆଦି ଅଞ୍ଚଳରେରେ ଲୁଟପାଟ କରୁଥିବା ଅପରାଧିକ ରେକର୍ଡ଼ ରହିଛି ।
ବିଶେଷକରି ଏମାନେ ରାସ୍ତାରେ ଯାଉଥିବା ଲୋକଙ୍କୁ ଟାର୍ଗେଟ କରି ଲୁଟି କରିଥାନ୍ତି। ତେବେ ସେମାନଙ୍କୁ ପୋଲିସ ଗିରଫ କରିବା ସହ ସେମାନଙ୍କ ନିକଟରୁ କିଛି ନଗଦ ଟଙ୍କା, ୪ଟି ବନ୍ଧୁକ, ୮ ଟି ଅଫୁଟା ଗୁଳି, ୨ ଟି ବାଇକ ଜବତ ହୋଇଛି ।
କଟକରୁ ନାରାୟଣ ସାହୁ, ଇଟିଭି ଭାରତ
