ବୌଦ୍ଧ: ରାତି ପାହିଲେ ଶ୍ରାବଣ ମାସର ପ୍ରଥମ ସୋମବାର । ଚଳଚଞ୍ଚଳ ରାଜ୍ୟର ସମସ୍ତ ଶୈବ ପୀଠ । ମାନସିକ ରଖି କାଉଡିଆମାନେ ଶିବଙ୍କୁ ଜଳାଭିଷେକ କରିବେ । ଶ୍ରାବଣ ସୋମବାର ପାଇଁ ବୌଦ୍ଧ ଜିଲ୍ଲାରେ ଥିବା ଶୈବପୀଠ ଗୁଡିକ ଚଳଚଞ୍ଚଳ ହୋଇଉଠିଛି । କାଉଡିଆମାନେ ଦେବଦେବ ମହାଦେବଙ୍କୁ ଜଳଲାଗି କରିବା ପାଇଁ ବିଭିନ୍ନ ଜଳାଶୟରୁ ପାଣି ନେଇ ଆଗେଇ ଚାଲିଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ବୌଦ୍ଧ
ତେବେ ଦୂରଦୂରାନ୍ତରୁ ଆସୁଥିବା କାଉଡିଆଙ୍କୁ ସେବା କରିବା ପାଇଁ ଆଗେଇ ଆସିଛନ୍ତି କେତେକ ଯୁବକ । କାଉଡିଆଙ୍କ ପାଇଁ ପାନୀୟ ଜଳ ବ୍ୟବସ୍ଥା ସହ ସେମାନେ କିପରି ସୁରକ୍ଷିତ ଭାବେ ସଠିକ୍ ମାର୍ଗରେ ଯାତ୍ରା କରିବେ ସମସ୍ତ କଥା ଧ୍ୟାନ ରଖୁଛନ୍ତି ଯୁବକମାନେ । ଯାହାକୁ ନେଇ କାଉଡିଆ ମାନେ ଖୁସି ବ୍ୟକ୍ତ କରିଥିଲେ ।
ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ
