ବୌଦ୍ଧ: ଠିକାସଂସ୍ଥା ଡ୍ରାଇଭରର ବେପରୁଆ ଗାଡି ଚାଳନା ଯୋଗୁଁ ଚାଲିଗଲା ଯୁବକଙ୍କ ଜୀବନ । ବୌଦ୍ଧ ଜିଲ୍ଲା ସଦର ମହକୁମାଠାରୁ ପ୍ରାୟ ୧୦ କିଲୋମିଟର ଦୂର ବାମଣ୍ଡା ପଞ୍ଚାୟତ ଅନ୍ତର୍ଗତ କୁଲିମୁଣ୍ଡାଠାରେ ଘଟିଛି ଏହି ଦୁଃଖଦ ଘଟଣା ।
ସୂଚନାମୁତାବକ, ଏଆରଏସଏସ ନାମକ ଏକ ଠିକାସଂସ୍ଥା ରାସ୍ତା ନିର୍ମାଣ କାର୍ଯ୍ୟ କରୁଥିବା ବେଳେ ମଙ୍ଗଳବାର ସକାଳୁ ଜେସିବି ଡ୍ରାଇଭରର ବେପରୁଆ ଗାଡି ଚାଳନା ଯୋଗୁଁ ହଠାତ କୁଲିମୁଣ୍ଡା ଯାତ୍ରୀ ବିଶ୍ରାମାଗାର ନିକଟରେ ଛିଡା ହୋଇଥିବା ପିଣ୍ଟୁ ମାଝୀ ନାମକ ଯୁବକକୁ ଧକ୍କା ହୋଇଥିଲା । ଗୁରୁତର ପିଣ୍ଟୁକୁ ପ୍ରଥମେ ବୌଦ୍ଧ ଓ ପରେ ବୁର୍ଲା ସ୍ଥାନାନ୍ତର ସମୟରେ ସୋନପୁର ନିକଟରେ ମୃତ୍ୟୁ ହୋଇଥିବା ଜଣାପଡିଛି । ଜେସିବି ଡ୍ରାଇଭରର ଭୁଲ ଯୋଗୁଁ ପିଣ୍ଟୁର ମୃତ୍ୟୁ ହୋଇଥିବା ତାର ପିତା ଅଭିଯୋଗ କରିବା ସହ ଉପଯୁକ୍ତ କ୍ଷତି ପୂରଣ ଦାବି କରିଛନ୍ତି ।
ସେପଟେ ମଙ୍ଗଳବାର ଲୁଣିବାହାଲ ପଞ୍ଚାୟତ ବଡବନ୍ଧ ଗ୍ରାମରେ ଦିଅର ଭାଉଜଙ୍କ ପ୍ରେମ ସମ୍ପର୍କର କରୁଣ ପରିଣତି ଦେଖିବାକୁ ମିଳିଛି । ଉଭୟେ ବିଷପିଇ ଦେଇଥିବା ବେଳେ ସେମାନଙ୍କୁ ପରିବାର ଲୋକେ ନିକଟସ୍ଥ ଜଙ୍ଗଲରୁ ଗୁରୁତର ଅବସ୍ଥାରେ ଉଦ୍ଧାର କରି ବୌଦ୍ଧ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
