ବୌଦ୍ଧ: ସାମାଜିକ ଦୂରତାକୁ ନେଇ କଠୋର ପଦକ୍ଷେପ ନେବ ବୌଦ୍ଧ ଜିଲ୍ଲା ପ୍ରଶାସନ । ଉପାନ୍ତ ଅଞ୍ଚଳରେ ଲୋକେ ସଚେତନ ହେଉଥିବା ବେଳେ ସହରାଞ୍ଚଳରେ କିନ୍ତୁ ନିୟମ ଉଲଙ୍ଘନ ଯୋଗୁଁ ଚିନ୍ତିତ ବୁଦ୍ଧିଜୀବୀ । ସେପଟେ କିଛି ସଂଗଠନର ଯୁବ ସ୍ବେଚ୍ଛାସେବୀ ମିଶି ନିଜସ୍ବ ଉଦ୍ୟମରେ ସାନିଟାଇଜର ତିଆରି କରି ମାଗଣାରେ ଲୋକଙ୍କୁ ବଣ୍ଟନ କରୁଛନ୍ତି ।
ସାମାଜିକ ଦୂରତାକୁ ନେଇ ଆଉ ସଚେତନ ନୁହେଁ, ଏବେ ଆକ୍ସନ ନେବ ଜିଲ୍ଲା ପ୍ରଶାସନ । ଦୋକାନ ବଜାର ସବୁଠାରେ ପ୍ରଶାସନର କଡା ନଜର ରହିବ । ସହରାଞ୍ଚଳରେ ନିୟମକୁ ଲୋକେ ହାଲକାରେ ନେଉଥିବା ବେଳେ ଝିଙ୍କେରପାଲି ଗାଁରେ ସାମାଜିକ ଦୂରତା ନିଜେ ଗ୍ରାମବାସୀ କଡାକଡି ପାଳନ କରୁଛନ୍ତି ।
ସେପଟେ ବୌଦ୍ଧ ଜିଲ୍ଲାର କିଛି ଉତ୍ସାହୀ ସ୍ବେଚ୍ଛାସେବୀ ନିଜସ୍ବ ଉଦ୍ୟମରେ ହାତଧୂଆ ସାନିଟାଇଜର ତିଆରି କରି ଗରିବ ଲୋକଙ୍କୁ ମାଗଣାରେ ବଣ୍ଟନ କରୁଛନ୍ତି । ସାମାଜିକ ଦୂରତାକୁ ନେଇ ଜିଲ୍ଲା ପ୍ରଶାସନ ମଙ୍ଗଳବାର ଠାରୁ କଡା ପଦକ୍ଷେପ ନେବ ବୋଲି ଜିଲ୍ଲାପାଳ ଚେତାବନୀ ଦେଇଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
