ବୌଦ୍ଧ: ସୁଧୁରି ପାରୁନି ଧାନକ୍ରୟ ସମସ୍ୟା । ଦିନଦିନ ଧରି ଧାନବିକ୍ରି ହୋଇପାରୁ ନଥିବାବେଳେ ଟୋକନ ଲାପ୍ସ ଏବେ ଚାଷୀଙ୍କ ମୁଣ୍ଡବ୍ୟଥା ହୋଇଛି । ବୌଦ୍ଧ ଜିଲ୍ଲାର 42 ଗୋଟି ସମବାୟ ସମିତି ମଧ୍ୟରୁ ଅଧିକାଂଶ ଧାନମଣ୍ଡିରେ ଧାନକ୍ରୟକୁ ନେଇ ଲାଗି ରହିଛି ଅଚଳାବସ୍ଥା ।
ଏବେ ପୁଣି ଚାଷୀଙ୍କ ଟୋକନ ଲାପ୍ସ ହୋଇଯାଇଥିବାରୁ ତାଙ୍କ ଚିନ୍ତା ବହୁ ଗୁଣରେ ବଢିଯାଇଛି । ବୌଦ୍ଧ ଜିଲ୍ଲାର କରଞ୍ଜକଟା ସେବା ସମବାୟ ସମିତିର ମଣ୍ଡିରୁ ଧାନ ଉଠି ପାରୁ ନଥିବାବେଳେ ଟୋକନ ଲାପ୍ସ ଯୋଗୁଁ ଧାନବିକ୍ରି କରିନପାରି ଚାଷୀ ମଣ୍ଡିରେ ଧାନ ବସ୍ତା ପକାଇ ପ୍ରତିବାଦ କରିଛନ୍ତି ।
ମଣ୍ଡିରେ 26 ଜଣ ଚାଷୀଙ୍କ ଟୋକନ ଲାପ୍ସ ହୋଇଥିବାବେଳେ ସଂପାଦକ 11ଜଣ ଚାଷୀଙ୍କ ଟୋକନ ଲାପ୍ସ ହୋଇଥିବା କହିଛନ୍ତି । ଛବିଶ ଜଣ ଚାଷୀ ଗୁରୁବାର ମଣ୍ଡି କାର୍ଯ୍ୟାଳୟ ସମ୍ମୁଖରେ ଧାନ ଗଦାକରି ଅଭିନବ ଭାବରେ ପ୍ରତିବାଦ ଜଣାଇଛନ୍ତି । ତେବେ ଏ ସମ୍ପର୍କରେ ଉଚ୍ଚ ଅଧିକାରୀଙ୍କୁ ଜଣାଇ ଦିଆଯାଇଛି । ସେଠାରୁ ଯାହା ନିର୍ଦ୍ଦେଶ ମିଳିବ, ସେ ନେଇ ପଦକ୍ଷେପ ନିଆଯିବ ବୋଲି ସଂପାଦକ କହିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
