ବୌଦ୍ଧ: ଜିଲ୍ଲାର ଏକମାତ୍ର ଏନଏସିକୁ ମ୍ୟୁନସିପାଲଟିର ମାନ୍ୟତା ପ୍ରଦାନ ଦାବିରେ ଜିଲ୍ଲା କଂଗ୍ରେସର ଅଭିନବ ପ୍ରତିବାଦ । ବୌଦ୍ଧ ଜିଲ୍ଲାର ଏକମାତ୍ର ଏନଏସିକୁ ମୁନିସିପାଲଟିରେ ପରିଣତ ଓ କଣ୍ଟାମାଳ, ମନମୁଣ୍ଡା, ବାଉଁଶୁଣୀ ଓ ପୁରୁଣାକଟକକୁ ସ୍ବତନ୍ତ୍ର ଏନଏସିର ମାନ୍ୟତା ଦାବିରେ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଲଗାତାର ତିନି ଦିନ ପାଇଁ ଅହୋରାତ୍ର ଗଣଧାରଣା ଆରମ୍ଭ ହୋଇଛି ।
ଜିଲ୍ଲା କଂଗ୍ରେସ ସଭାପତି ନବ କୁମାର ମିଶ୍ରଙ୍କ ନେତୃତ୍ୱରେ ବହୁ ନେତା ଓ କର୍ମୀ ଏହି ଗଣଧାରଣାରେ ସାମିଲ ହୋଇଥିଲେ । ଭାଗବତ ପଠନ କରି କର୍ମୀ ମାନେ ଏହାର ଅଭିନବ ପ୍ରତିବାଦ କରିଥିଲେ ।
ପ୍ରକାଶ ଥାଉକି ବୌଦ୍ଧ ଗଡ ଏନଏସି ୧୯୬୧ ମସିହାରେ ପ୍ରତିଷ୍ଠା ହୋଇଥିବା ବେଳେ ବାରମ୍ବାର ବିଭିନ୍ନ ସଂଗଠନ ପକ୍ଷରୁ ଏହାକୁ ମ୍ୟୁନିସିପାଲଟିରେ ପରିଣତ ପାଇଁ ଦାବି ହୋଇଆସୁଛି । ତେବେ ସରକାର ଏସବୁ ଦାବିର ସମାଧାନ ନକଲେ ଆଗାମୀ ଦିନରେ ଆନ୍ଦୋଳନକୁ ଆହୁରି ଜୋରଦାର କରାଯିବ ବୋଲି ଜିଲ୍ଲା କଂଗ୍ରେସ ଚେତାବନୀ ଦେଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
