ବୌଦ୍ଧ: ଥମିବାର ନାଁ ଧରୁନି କୋରୋନା ସଂକ୍ରମଣ । ଦ୍ରୁତ ଗତିରେ ମାଡ଼ି ଚାଲିଛି ଏହି କୋରୋନାରୂପୀ କହର । ଆଜି(ବୁଧବାର) ଜିଲ୍ଲାର ବିଭିନ୍ନ ସ୍ଥାନରୁ ନୂତନ 83 ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ପୌରାଞ୍ଚଳରୁ 21 ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି ।
ସେପଟେ କେତେକ ଅମାନିଆଙ୍କ ଯୋଗୁଁ ଏହି ସଂକ୍ରମଣ ଆହୁରି ଅଧିକ ବୃଦ୍ଧି ପାଇବାର ଆଶଙ୍କା ସୃଷ୍ଟି ହୋଇଛି । ବଢୁଥିବା ସଂକ୍ରମଣକୁ ଦୃଷ୍ଟିରେ ରଖି ବୌଦ୍ଧ ଜିଲ୍ଲା ପ୍ରଶାସନ ସହରର କେତେକ ବସ୍ତି ଓ ଜିଲ୍ଲାର କେତେକ ଗ୍ରାମକୁ ମାଇକ୍ରୋ କଣ୍ଟେନମେଣ୍ଟ ଜୋନ ଘୋଷଣା କରିଛି ।
ସେହିପରି ଆସନ୍ତା କାଲିଠାରୁ ବୌଦ୍ଧର ବ୍ୟବସାୟ ପ୍ରତିଷ୍ଠାନ ସକାଳ ଛ ଟାରୁ ଅପରାହ୍ନ ଦୁଇଟା ପର୍ଯ୍ୟନ୍ତ ଖୋଲିବାକୁ ନିଷ୍ପତ୍ତି ନେଇଛି । ସେପଟେ ବୌଦ୍ଧର ବିଭିନ୍ନ ବ୍ୟାଙ୍କ ଓ ଯାତ୍ରୀବାହୀ ବସରେ କୋଭିଡ ଗାଇଡଲାଇନକୁ ଆଦୌ ପାଳନ କରାଯାଉନଥିବା ଅଭିଯୋଗ ହୋଇଛି । ଏହାଛଡା ଗ୍ରାମାଞ୍ଚଳରେ ବିବାହ ଓ ଅନ୍ୟାନ୍ୟ ଉତ୍ସବ ନାଁ ରେ କୋରୋନା କଟକଣାକୁ ମାନୁନଥିବା ଜଣାପଡିଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଈଟିଭି ଭାରତ
