ଭଦ୍ରକ: ଯୁବକଙ୍କ ସନ୍ଦେହଜନକ ମୃତ୍ୟୁ । ମୃତକ ଯୁବକ ଜଣକ ହେଲେ ତିହିଡି ଥାନା ଜାମୋଜୋଡି ପଞ୍ଚାୟତ ବାଲିଦାଣ୍ଡି ଅଞ୍ଚଳର ଡ୍ରାଇଭର (ଦୈତାରୀ ନାୟକ)। ସୂଚନା ଅନୁଯାୟୀ ତିହିଡି ଥାନା ନରେନ୍ଦ୍ରପୁର ରେଳ ପଥରୁ ଦୁଇଟି ପିକଅପ ଭ୍ୟାନ୍ ଚୋରା କୋଇଲା ବୋଝେଇ ନେଇ ଯାଉଥିଲେ। ଏହି ସମୟରେ ପାଟ୍ରୋଲିଂ କରୁଥିଲା ପୋଲିସକୁ ଦେଖି ଦୁଇ ଗାଡିର ଚାଳକ ଚମ୍ପଟ ମାରିବା ସମୟରେ ପୋଲିସ ହାତରେ ଜଣେ ଚାଳକ ଧରା ପଡିଯାଇଥିଲା।
କୌଣସି କାରଣରୁ ଯୁବକ ଜଣକ ଗୁରୁତର ହୋଇଥିଲେ ଏବଂ ପରେ ପୋଲିସ ଉକ୍ତ ଯୁବକକୁ ତିହିଡି ମେଡିକାଲରେ ଭର୍ତ୍ତି କରିଥିଲା। କିନ୍ତୁ ମେଡିକାଲରେ ଯୁବକଙ୍କର ମୃତ୍ୟୁ ହୋଇଯାଇଥିବା ଡାକ୍ତର ଘୋଷଣା କରିଥିଲେ। ଏହାପରେ ପରିବାର ଲୋକେ ପୋଲିସ ପିଟି ପିଟି ମାରିଦେଇଥିବା ଅଭିଯୋଗ କରିଛନ୍ତି।
ତେବେ ଯୁବକ ଜଣକ କିପରି ମୃତ୍ୟୁ ବରଣ କଲା ତାହା ଏଯାବତ ସ୍ପଷ୍ଟ ହୋଇ ନାହିଁ। ଏହି ଘଟଣା ଏବେ ସନ୍ଦେହ ଜନକ ସ୍ଥିତିରେ ରହିଥିବା ବେଳେ ତଦନ୍ତ ପରେ ଘଟଣାକ୍ରମ ସ୍ପଷ୍ଟ ହେବ ବୋଲି କୁହାଯାଇଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
