ଭଦ୍ରକ: ଚାନ୍ଦବାଲି ନାବାଳିକା ଗଣଦୁଷ୍କର୍ମ ଘଟଣାରେ ମୁଖ୍ୟ ଅଭିଯୁକ୍ତ ପ୍ରକାଶ ଦାଶ ଗିରଫ । ବାଲେଶ୍ବର ରେଳ ଷ୍ଟେସନରୁ ତାକୁ ଗିରଫ କରିଛି ପୋଲିସ । ସେ ରାଜ୍ୟ ବାହାରକୁ ଖସି ପଳାଇବାକୁ ଚେଷ୍ଟା କରୁଥିବା ବେଳେ ବିଶ୍ବସ୍ତ ସୂତ୍ରରୁ ଖବର ପାଇଁ ପୋଲିସ ତାକୁ ଧରିବାର ସଫଳ ହୋଇଛି ।
ସୂଚନା ଅନୁସାରେ, ଅଭିଯୁକ୍ତ ପ୍ରକାଶ ଫଲକନାମା ଏକ୍ସପ୍ରେସରେ ରାଜ୍ୟ ବାହାରକୁ ଯାଉଥିବା ଖବର ପାଇଥିଲା ପୋଲିସ । ପୋଲିସର ଏକ ସ୍ବତନ୍ତ୍ର ଟିମ୍ ଚଢାଉ କରି ଗିରଫ କରିଥିଲା । ପରେ ତାକୁ ଡାକ୍ତରୀ ମାଇନା ପାଇଁ ପଠାଯିବା ପରେ କୋର୍ଟ ଚାଲାଣ କରାଯାଇଛି ।
ଚାନ୍ଦବାଲି ଗଣଦୁଷ୍କର୍ମ ମାମଲା, ମୁଖ୍ୟ ଅଭିଯୁକ୍ତ ଗିରଫ
ପୂର୍ବରୁ ଗଣଦୁଷ୍କର୍ମ ମାମଲାରେ ପିଣ୍ଟୁ ମହାଳିକ, ସୁବ୍ରତ ସାହୁ ଓ ବିଶ୍ଵଜିତ ନାୟକ ଗିରଫ ହୋଇ କୋର୍ଟ ଚାଲାଣ ହୋଇଥିଲେ । ତେବେ ମୁଖ୍ୟ ଅଭିଯୁକ୍ତ ସମେତ ଅନ୍ୟ ତିନିଜଣଙ୍କ ଜାମିନ ଆବେଦନ ଖାରଜ ହେବାରୁ, ସମସ୍ତ 4 ଅଭିଯୁକ୍ତଙ୍କୁ ଜେଲ ହାଜତକୁ ପଠାଇ ଦିଆଯାଇଛି ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
