ଭଦ୍ରକ: ଆଖଣ୍ଡଳମଣିଙ୍କ ମନ୍ଦିରରେ କିଛି ବିଶୃଙ୍ଖଳିତ ସେବାୟତଙ୍କ ଉନ୍ମୁକ୍ତ କାଣ୍ଡ । ସେବାୟତଙ୍କ ଛୁରାମାଡ଼ରେ ଅନ୍ୟ ଜଣେ ସେବାୟତ ଗୁରୁତର । ମନ୍ଦିରର ନିୟମ ଉଲ୍ଲଙ୍ଘନ କରିବା ସହ ଶ୍ରଦ୍ଧାଳୁଙ୍କ ଠାରୁ ବେଆଇନ ଦକ୍ଷିଣା ଆଦାୟ କରିବାକୁ ବାରଣ କରିବାରୁ ସେବାୟତଙ୍କ ଜଣଙ୍କ ଅନ୍ୟ ସେବାୟତଙ୍କ ଉପରେ ଆକ୍ରମଣ କରିଛନ୍ତି । ଏହି ଘଟଣାରେ ଉକ୍ତ ସେବାୟତଙ୍କୁ ଥାନାରେ ଅଟକ ରଖିଛି ପୋଲିସ ।
ଆଖଣ୍ଡଳମଣି ମନ୍ଦିରରେ ଦୀର୍ଘଦିନ ଧରି ବିଭିନ୍ନ ପ୍ରକାର ବିଶୃଙ୍ଖଳା ସୃଷ୍ଟି କରିବା ସହ ନିୟମ ଉଲ୍ଲଙ୍ଘନ କରି ବେଆଇନ ଭାବେ ଆଗନ୍ତୁକ ଭକ୍ତଙ୍କୁ ପାଦୁକ ଚନ୍ଦନ ଦେଇ ଜୋର ଜବରଦସ୍ତ ଭେଟି ଆଦାୟ କରି ଆସୁଥିଲେ । ଏପରି ନକରିବାକୁ ଗତ 10 ତାରିଖରେ ମନ୍ଦିର ପ୍ରଶାସନ ପକ୍ଷରୁ କଟକଣାକୁ କଡାକଡି କରାଯିବା ସହ ଜୋରିମାନା ଗଣିବାକୁ ନିର୍ଦ୍ଦେଶ ଦିଆଯାଇଥିଲା । ହେଲେ କିଛି ସେବାୟତ ଏହି ନିୟମ ଓ କଟକଣାକୁ ମାନି ନଥିଲେ । ଅପରପକ୍ଷେ ମନ୍ଦିର ଗର୍ଭଗୃହକୁ ଭକ୍ତ ଓ ଅଣ ସେବାୟତଙ୍କୁ ପ୍ରବେଶ କରାଇବା ସହ ମନ୍ଦିର ବେଢା ମଧ୍ୟରେ ବେଆଇନ ଭାବେ ଭେଟି ଆଦାୟ କରୁଥିବା ବେଳେ କିଛି ସେବାୟତ ବାରଣ କରିଥିଲେ ।
ଏହା ମଧ୍ୟ ପଢ଼ନ୍ତୁ: ପୋଲିସର ଥାର୍ଡ ଡିଗ୍ରୀରେ ଯୁବକଙ୍କ ମୃତ୍ୟୁ ଅଭିଯୋଗ, NHRC ନିକଟରେ ନ୍ୟାୟ ପାଇଁ ଆବେଦନ
ଏଥିରେ ଉତ୍ୟକ୍ତ ହୋଇ ତପନ ପାଢୀ ଓ ତାଙ୍କ ସହଯୋଗୀ ସେବାୟତ ଗଦାଧର ପାଢୀଙ୍କ ଉପରେ ଛୁରା ମାଡ କରିଛନ୍ତି । ଫଳରେ ଗୁରୁତର ଆହାତ ଅବସ୍ଥାରେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା । ଏହି ଘଟଣା ନେଇ ବିଶୃଙ୍ଖଳିତ ସେବାୟତଙ୍କ ନାଁରେ ମନ୍ଦିର ପ୍ରଶାସନ ପକ୍ଷରୁ ଧୁଷୁରୀ ଥାନାରେ ଏତଲା ଦିଆଯାଇଥିଲା । ଅଭିଯୋଗ ଆଧାରରେ ପୋଲିସ ତପନ ପାଢୀଙ୍କୁ ଥାନାରେ ଅଟକ ରଖିଛି ।
ଇଟିଭି ଭାରତ, ଭଦ୍ରକ
