ଭଦ୍ରକ: ବିଷଧର ସାପ କାମୁଡ଼ାରେ ଦୁଇ ମୃତ । ଭଦ୍ରକ ଜିଲ୍ଲା ଗ୍ରାମାଞ୍ଚଳ ଥାନା ସାବରଙ୍ଗ ଚକପୁର ଗାଁରେ ଶୋଇଥିବା ଅବସ୍ଥାରେ ସାପ କାମୁଡିବାରୁ ଦୁଇ ଜଣଙ୍କର ମୃତ୍ୟୁ ହୋଇଛି । ଗୁରୁତର ଅବସ୍ଥାରେ ଦୁଇ ଜଣଙ୍କୁ ପ୍ରଥମେ ଭଦ୍ରକ ମୁଖ୍ୟ ଚିକିତ୍ସାଳୟ ଓ ପରେ ସେଠାରୁ କଟକ ବଡ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା । ହେଲେ ସେଠାରେ ଉଭୟଙ୍କର ମୃତ୍ୟୁ ହୋଇଯାଇଛି ।
ଚକପୁର ଗାଁର 2 ଜଣ ମୃତକ 8 ବର୍ଷୀୟ ସୋନି ନାୟକ ଓ 18 ବର୍ଷୀୟ ତାପସ ବେହେରା ହୋଇଥିବାବେଳେ ଏମାନେ ସମ୍ପର୍କରେ ଶାଳୀ ଓ ଭିଣୋଇ ବୋଲି ଜଣାପଡିଛି । ସୋନି ନିଜ ସମ୍ପର୍କୀୟଙ୍କ ଘରକୁ ଆସିଥିଲେ । ଘରେ ପ୍ରାୟ 6 ଜଣ ସାଙ୍ଗ ହୋଇ ଶୋଇଥିଲେ । ହେଲେ ଏହି ଦୁଇ ପିଲାଙ୍କୁ ସାପ କାମୁଡିବା ନେଇ ଜଣାପଡିବା ପରେ ଶୋଇଥିବା ଲୋକେ ଉଠି ଏମାନଙ୍କୁ ଭଦ୍ରକ ମୁଖ୍ୟ ଡାକ୍ତରଖାନାକୁ ଆଣିଥିଲେ ।
ଭଦ୍ରକ ମୁଖ୍ୟ ଡାକ୍ତରଖାନାରେ ଦୁହିଁଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ଏସସିବିକୁ ସ୍ଥାନାନ୍ତର କରାଯାଇଥିଲା । ତେବେ ଡାକ୍ତରଖାନା ଯିବା ରାସ୍ତାରେ ଦୁଇ ଜଣଙ୍କର ମୃତ୍ୟୁ ହୋଇଯାଇଥିଲା ।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
