ବରଗଡ଼: ଲାଞ୍ଚ ନେବା ମହଙ୍ଗା ପଡିଲା ଅଗ୍ନିଶମ ଅଧିକାରୀଙ୍କୁ । ମାତ୍ର 12 ହଜାର ଟଙ୍କା ଲାଞ୍ଚ ନେଲାବେଳେ ସମ୍ବଲପୁର ଭିଜିଲାନ୍ସ ଡିଭିଜନ ହାତରେ ଧରାପଡିଲେ। ସେ ହେଉଛନ୍ତି ବରଗଡ ଅଗ୍ନିଶମ ବିଭାଗ ଆସିଷ୍ଟାଣ୍ଡ ଫାୟାର ଅଫିସର ପ୍ରଶାନ୍ତ କୁମାର ମହାପାତ୍ର । ପେଟ୍ରୋଲ ପମ୍ପ ପାଇଁ ଫାୟାର ସେଫଟି ସାର୍ଟିଫିକେଟ ଦେବା ପାଇଁ ସେ ଏହି ଲାଞ୍ଚ ମାଗିଥିଲେ ।
ଭେଡେନ ବ୍ଲକ କଦଳିପାଲିସ୍ଥିତ ଜୟ ହନୁମାନ ପେଟ୍ରୋଲ ପମ୍ପର ଫାୟାର ସେଫଟି ସାର୍ଟିଫିକେଟ ଦେବା ପାଇଁ ହୃଷିକେଶ ପ୍ରଧାନ ନାମକ ଜଣେ ବ୍ୟକ୍ତିଙ୍କ ଠାରୁ 12000 ଟଙ୍କା ଲାଞ୍ଚ ଦାବି କରିଥିଲେ ଅଧିକାରୀ ଜଣକ ।
ତେବେ ଅଭିଯୋଗ କ୍ରମେ ପୂର୍ବ ପ୍ରସ୍ତୁତି ଅନୁଯାୟୀ ଭିଜିଲାନ୍ସ ବିଭାଗ ପକ୍ଷରୁ ଲାଞ୍ଚ ନେଉଥିବା ସମୟରେ ଚଢାଉ କରାଯାଇଥିଲା ଏବଂ 12 ହଜାର ଟଙ୍କା ନେଉଥିବା ସମୟରେ ଟଙ୍କା ସହ ଅଭିଯୁକ୍ତକୁ ଗିରଫ କରାଯାଇଛି । ଏନେଇ ଏକ ମାମଲା ମଧ୍ୟ ରୁଜୁ ହୋଇଥିବା ବେଳେ ସମ୍ପୃକ୍ତ ଘଟଣା ସମ୍ପର୍କରେ ଅଧିକ ତଦନ୍ତ କରାଯାଉଥିବା ବରଗଡ଼ ଭିଜିଲାନ୍ସ DSP ପରମେଶ୍ବର କିଷାନ କହିଛନ୍ତି ।
ବରଗଡ଼ରୁ ରାଜେଶ ସରାପ, ଇଟିଭି ଭାରତ
