ଓ୍ବାଂଶିଟନ ଡିସି: ତିନିଦିନିଆ ଆମେରିକା ଗସ୍ତରେ ରହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଗସ୍ତରେ ପ୍ରଥମ ଦିନରେ ଅର୍ଥାତ ଶନିବାର ଆମେରିକାରେ ପହଞ୍ଚିବା ପରେ ୱିଲିଂଟନରେ ରାଷ୍ଟ୍ରପତି ବାଇଡେନଙ୍କ ଦ୍ବାରା ଆୟୋଜିତ ‘କ୍ୱାଡ ସମ୍ମିଳନୀ’ରେ ଅଂଶଗ୍ରହଣ କରିଥିଲେ ମୋଦି । ଉଦଘାଟନୀ ଭାଷଣରେ ମୁକ୍ତ, ଖୋଲା, ଅନ୍ତର୍ଭୂକ୍ତ ଏବଂ ‘ଭାରତ-ପ୍ରଶାନ୍ତ ମହାସାଗରୀୟ କ୍ଷେତ୍ର’ରେ ଶାନ୍ତି, ପ୍ରଗତି ଏବଂ ସମୃଦ୍ଧତା ଆମର ପ୍ରାଥମିକତା ବୋଲି କହିଥିଲେ ମୋଦି ।
ନାମ ନନେଇ ଚୀନକୁ ଏମିତି କହିଲେ ମୋଦି:
ପ୍ରଧାନମନ୍ତ୍ରୀ ମୋଦି କୌଣସି ଦେଶର ନାମ ନନେଇ କହିଥିଲେ, "ଆମେ କାହାର ବିରୋଧୀ ନୁହଁ, ଆମେ ସମସ୍ତେ ଏକ ନିୟମ ଭିତ୍ତିକ ଅନ୍ତର୍ଜାତୀୟ ଆଦେଶ, ସାର୍ବଭୌମତ୍ୱ ପ୍ରତି ସମ୍ମାନ, କ୍ଷେତ୍ରୀୟ ଅଖଣ୍ଡତା ଏବଂ ସମସ୍ତ ସମସ୍ୟାର ଶାନ୍ତିପୂର୍ଣ୍ଣ ସମାଧାନକୁ ସମର୍ଥନ କରୁଛୁ । '' ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ଆନ୍ଥୋନି ଆଲବାନି ଏବଂ ଜାପାନ ପ୍ରଧାନମନ୍ତ୍ରୀ ଫୁମିଓ କିଶିଦା ମଧ୍ୟ ଯୋଗ ଦେଇ କହିଥିଲେ ।
ମାନବ ଜାତି ପାଇଁ କ୍ବାଡ୍ ଜରୁରୀ:
Glad to have met Quad Leaders during today’s Summit in Wilmington, Delaware. The discussions were fruitful, focusing on how Quad can keep working to further global good. We will keep working together in key sectors like healthcare, technology, climate change and capacity… pic.twitter.com/xVRlg9RYaF
— Narendra Modi (@narendramodi) September 22, 2024
ମୋଦି ଆହୁରି ମଧ୍ୟ କହିଥିଲେ, ''ଆମର ବାର୍ତ୍ତା ସ୍ପଷ୍ଟ, କ୍ବାର୍ଡ ଏଠାରେ ଅଛି ସାହାଯ୍ୟ କରିବା, ସହଭାଗିତା କରିବା ଏବଂ ପୃଷ୍ଠପୋଷକତା କରିବା ପାଇଁ । ଆମେ ମିଳିତ ଭାବରେ ସ୍ୱାସ୍ଥ୍ୟ ସୁରକ୍ଷା, ଉଦୀୟମାନ ପ୍ରଯୁକ୍ତିବିଦ୍ୟା, ଜଳବାୟୁ ପରିବର୍ତ୍ତନ, କାପାସିଟି ବିଲ୍ଡିଂ ଭଳି କ୍ଷେତ୍ରରେ ଅନେକ ସକରାତ୍ମକ ଆଲୋଚନା ସହ ପଦକ୍ଷେପ ନେଇଛୁ । କ୍ବାଡର ନେତା ଏପରି ସମୟରେ ଏକାଠି ହୋଇଛନ୍ତି, ଯେତେବେଳେ ବିଶ୍ବ ଦ୍ବନ୍ଦ୍ବ ଏବଂ ଆହ୍ବାନରେ ଘେରି ହୋଇ ରହିଛି । ଏହି ସମୟରେ କ୍ୱାଡର ଗଣତାନ୍ତ୍ରିକ ମୂଲ୍ୟବୋଧ ସହିତ ମିଳିତ ଭାବେ କାର୍ଯ୍ୟ କରିବା ସମଗ୍ର ମାନବ ଜାତି ପାଇଁ ମହତ୍ବପୂର୍ଣ୍ଣ ଅଟେ । ''
ବାଇଡେନଙ୍କ ପାଇଁ ଏହା ବିଦାୟୀ ସମ୍ମିଳନୀ:
2021 ବାଇଡେନଙ୍କ ନେତୃତ୍ୱରେ ଆୟୋଜିତ ପ୍ରଥମ କ୍ୱାଡ ସମ୍ମିଳନୀକୁ ମୋଦି ମନେ ପକାଇ କହିଥିଲେ । ଏତେ କମ ସମୟ ମଧ୍ୟରେ ଆମେ ଆମର ସହଯୋଗକୁ ସବୁ ଦିଗରେ ଅଦ୍ଭୂତ ରୂପେ ବିସ୍ତାର କରିଛୁ । ତୁମର ନିରନ୍ତର ଦୃଢ ପ୍ରତିବଦ୍ଧତା, ଆପଣଙ୍କ ନେତୃତ୍ୱ ଏବଂ କ୍ବାଡରେ ଅବଦାନ ପାଇଁ ମୁଁ ଆପଣଙ୍କୁ ଧନ୍ୟବାଦ ଜଣାଉଛି । ବାଇଡେନଙ୍କ କାର୍ଯ୍ୟକାଳ ଶେଷ ହେବାକୁ ଥିବା ବେଳେ ଏହା ତାଙ୍କ ପାଇଁ ବିଦାୟୀ ସମ୍ମିଳନୀ ବୋଲି କହିଥିଲେ ମୋଦି ।
ଆସନ୍ତା ବର୍ଷ ଭାରତରେ କ୍ବାଡ ସମ୍ମିଳନୀ:
ଆସନ୍ତା 2025ରେ ଭାରତରେ କ୍ୱାଡ ସମ୍ମିଳନୀ ଆୟୋଜନ ହେବାକୁ ଥିବା ବେଳେ ପ୍ରଧାନମନ୍ତ୍ରୀ ମୋଦି ବେଶ ଉତ୍ସାହିତ ଅଛନ୍ତି । ଚଳିତ ବର୍ଷ କ୍ୱାଡ ସମ୍ମିଳନୀ ଭାରତରେ ଅନୁଷ୍ଠିତ ହେବାର ଥିଲା, କିନ୍ତୁ ଆମେରିକାର ରାଷ୍ଟ୍ରପତି ଜୋ ବିଡେନ ଅନୁରୋଧ କ୍ରମେ ଏହି କାର୍ଯ୍ୟକ୍ରମ ଆମେରିକାରେ ଆୟୋଜନ କରାଯାଇଛି । ଆମେରିକା, ଜାପାନ, ଭାରତ ଏବଂ ଅଷ୍ଟ୍ରେଲିଆ 2017ରେ ଭାରତ-ପ୍ରଶାନ୍ତ ମହାସାଗରରେ ଚୀନ୍ର ଆକ୍ରମଣାତ୍ମକ ଆଚରଣକୁ ମୁକାବିଲା କରିବା ପାଇଁ “କ୍ୱାଡ୍” କିମ୍ବା ଚତୁର୍ଭୂଜ ମିଳିତ ମଞ୍ଚ ଗଠନ ପାଇଁ ଦୀର୍ଘ ଦିନର ବିଚାରାଧୀନ ପ୍ରସ୍ତାବକୁ ରୂପ ଦେଇଥିଲେ ।
କ୍ୱାଡ ଲିଡରଙ୍କୁ ଭେଟି ଖୁସି ବ୍ୟକ୍ତ କଲେ ମୋଦି:
Addressing the Quad Leaders' Summit. https://t.co/fphRgLwLPS
— Narendra Modi (@narendramodi) September 21, 2024
ପ୍ରଧାନମନ୍ତ୍ରୀ Xରେ କହିଛନ୍ତି, ''ଡେଲାୱେରର ୱିଲିଂଟନରେ ଆୟୋଜିତ ସମ୍ମିଳନୀରେ କ୍ୱାଡ ଲିଡରଙ୍କୁ ଭେଟି ମୁଁ ଖୁସି । ବିଶ୍ବର ଉନ୍ନତି ପାଇଁ କିପରି କ୍ବାଡ କାର୍ଯ୍ୟ ଜାରି ରଖିପାରିବ ସେ ଉପରେ ଆଲୋଚନା ହୋଇଥିଲା । ସ୍ୱାସ୍ଥ୍ୟସେବା, ପ୍ରଯୁକ୍ତିବିଦ୍ୟା, ଜଳବାୟୁ ପରିବର୍ତ୍ତନ ଏବଂ ଦକ୍ଷତା ବିକାଶ ଭଳି ପ୍ରମୁଖ କ୍ଷେତ୍ରରେ ଆମେ ମିଳିତ ଭାବରେ କାର୍ଯ୍ୟ ଜାରି ରଖିବୁ । ''
ମୋଦି ଦେଖି ଭାବବିହ୍ବଳ ପ୍ରବାସୀ ଭାରତୀୟ:
Deepening cultural connect and strengthening the fight against illicit trafficking of cultural properties.
— Narendra Modi (@narendramodi) September 22, 2024
I am extremely grateful to President Biden and the US Government for ensuring the return of 297 invaluable antiquities to India. @POTUS @JoeBiden pic.twitter.com/0jziIYZ1GO
ଶନିବାର ରାତିରେ ଫିଲାଡେଲଫିଆ ବିମାନବନ୍ଦରରେ ପହଞ୍ଚିଥିଲେ ପ୍ରଧାନମନ୍ତ୍ରୀ । ଏହାପରେ ମୋଦି ମୋଦି ନାରାରେ କମ୍ପି ଉଠିଥିଲା ବିମାନ ବନ୍ଦର । ମୋଦିଙ୍କୁ ପ୍ରବାସୀ ଭାରତୀୟ ମାନେ ସ୍ବାଗତ କରିଥିଲେ । ଏହାପରେ ମୋଦି ସେମାନଙ୍କ ପାଖକୁ ଯାଇ ହାତ ମିଳାଇବା ସହ ପିଲା ମାନେ ଆଣିଥିବା ପେଣ୍ଟିଂ ଦେଖିଥିଲେ । ମୋଦିଙ୍କୁ ପାଖରେ ଦେଖି ପ୍ରବାସୀ ଭାରତୀୟଙ୍କ ଖୁସି କହିଲେ ନସରେ ।
ମୋଦି ବାଇଡେନ ଭେଟଘାଟ:
ୱିଲିଂଟନରେ ଦୁଇ ବିଶ୍ବ ନେତା ମୋଦି ଓ ବାଇଡେନଙ୍କ ମଧ୍ୟରେ ସାକ୍ଷାତ ହୋଇଥିଲା । ଉଭୟ ପରସ୍ପରକୁ ଦେଖି ଖୁସିରେ ଆଲିଙ୍ଗନ କରିଥିଲେ । ପରେ ପରେ ଦୁଇ ନେତାଙ୍କ ମଧ୍ୟରେ ଦ୍ବିପାକ୍ଷୀକ ବୈଠକ ଆରମ୍ଭ ହୋଇଥିଲା । ବିଭିନ୍ନ ପ୍ରସଙ୍ଗରେ ଆଲେଚନା ହୋଇଥିଲା । ଭାରତର ପ୍ରିଡେଟର ଡ୍ରୋନ କ୍ରୟ ଓ ୟୁକ୍ରେନ ଯୁଦ୍ଧ ବିଷୟରେ ଆଲୋଚନା ହୋଇଥିଲା ।
