ବରଗଡ: ରାଜ୍ୟରେ ଦିନକୁ ଦିନ ବୃଦ୍ଧି ପାଇବାରେ ଲାଗିଛି ପେଟ୍ରୋଲ ଓ ଡିଜେଲ ଦର । ଫଳରେ ସାଧାରଣ ଲୋକଟି ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛି । ପେଟ୍ରୋଲ ଓ ଡିଜେଲର ଏପରି ଦର ବୃଦ୍ଧିକୁ ବିରୋଧ କରି ବରଗଡ ଜିଲ୍ଲା କଂଗ୍ରେସ ପକ୍ଷରୁ ସାଇକେଲ ରାଲି କରାଯାଇଛି ।
ଅହେତୁକ ପେଟ୍ରୋଲ ଡିଜେଲ ଦର ବୃଦ୍ଧି,ନାରୀ ନିର୍ଯ୍ୟାତନା ଓ ଚାଷୀ ଆତ୍ମହତ୍ୟାକୁ ଘୋର ନିନ୍ଦା କରିଛି ବରଗଡ ଜିଲ୍ଲା କଂଗ୍ରେସ । ଏହାର ଘୋର ପ୍ରତିବାଦ କରି ଏକ ସାଇକେଲ ରାଲିରେ ବାହାରିଛି ଜିଲ୍ଲା କଂଗ୍ରେସ ।
ପେଟ୍ରୋଲ, ଡିଜେଲ ଦର ବୃଦ୍ଧିକୁ ପ୍ରତିବାଦ
ବରଗଡ କଂଗ୍ରେସ କାର୍ଯ୍ୟଳୟ ଠାରୁ ବାହାରି ନଗର ପରିକ୍ରମା କରିବା ସହିତ ଆସନ୍ତା ୧୫ ତାରିଖ ବନ୍ଦ ଡାକରକୁ ସମର୍ଥନ କରିବା ସହ ପେଟ୍ରୋଲ ,ଡିଜେଲ ଦରବୃଦ୍ଧି ବନ୍ଦ କରିବା ପାଇଁ ଦାବି ହୋଇଛି । ସାଇକେଲ ଶୋଭାଯାତ୍ରାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିରୁଦ୍ଧରେ ନାରାବାଜି ଦେଉଥିବାର ଦେଖିବାକୁ ମିଳିଛି ।
ବରଗଡରୁ ରାଜେଶ ସରାପ, ଇଟିଭି ଭାରତ
