ବରଗଡ: ଜିଲ୍ଲାର ପାଇକମାଳ ଥାନା ଅନ୍ତର୍ଗତ କେଛୋଦାଦର ଗ୍ରାମରୁ ଜଣେ ମହିଳାଙ୍କ ମୃତଦେହ ଉଦ୍ଧାର ହୋଇଛି । ଏକ ନିଛାଟିଆ ଜଙ୍ଗଲ ରାସ୍ତାରେ ମହିଳାଙ୍କ ମୃତଦେହ ପଡିରହିଥିବା ଦେଖି ଲୋକେ ପୋଲିସକୁ ଖବର ଦେଇଥିଲେ |
ପରେ ପୋଲିସ ଘଟଣା ସ୍ଥଳକୁ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ଏହା ଏକ ହତ୍ୟାକାଣ୍ଡ ବୋଲି ସନ୍ଦେହ କରାଯାଉଛି । ମହିଳା ଜଣଙ୍କର ମୁଣ୍ଡରେ ନିର୍ମମ ଭାବରେ ଆଘାତ ରହିଛି । ଏହାସହ ତାଙ୍କ ଚେହେରା ଚିହ୍ନିବା ସମ୍ଭବପର ହେଉନି ।
ତେବେ ମୃତ ଶରୀର ନିକଟରେ ମାଟିରେ ଚାରିଚକିଆ ଯାନର ଚିହ୍ନ ରହିଥିବା ବେଳେ ଏହା ଏକ ସୁପରିକଳ୍ପିତ ହତ୍ୟାକାଣ୍ଡ ବୋଲି ସନ୍ଦେହ କରାଯାଉଛି | ଏହି ଆଧାରରେ ପୋଲିସ ଘଟଟଣାର ତଦନ୍ତୁ ଜାରି ରଖିଛି ।
ବରଗଡରୁ ରାଜେସ ସରାପ, ଇଟିଭି ଭାରତ
