ବରଗଡ: ଅତାବିରା NAC ନିର୍ବାଚନର ଫଳାଫଳ ଘୋଷଣା ହୋଇଛି । ପୁଣି ଅତାବିରା ବିଜ୍ଞାପିତ ପରିଷଦ ଦଖଲ କଲା ବିଜେଡି । 12ଟି ୱାର୍ଡରୁ 11ଟି ୱାର୍ଡରେ ବିଜେଡି ପ୍ରାର୍ଥୀ ବିଜୟୀ ହୋଇଛନ୍ତି । ଅଧ୍ୟକ୍ଷ ପଦ ସହ 11ଟି ୱାର୍ଡରେ ବିଜେଡି ପ୍ରାର୍ଥୀ ବାଜି ମାରି ନେଇଛନ୍ତି । ଗୋଟିଏ ୱାର୍ଡରେ କଂଗ୍ରେସ ପ୍ରାର୍ଥୀ ବିଜୟୀ ହୋଇଛନ୍ତି । 6565 ଭୋଟରେ ବିଜେଡି ଅଧ୍ୟକ୍ଷ ପ୍ରାର୍ଥୀ ବନମାଳୀ ବରିହା ବାଜିମାତ୍ କରିଛନ୍ତି ।
ଅତାବିରା NAC ନିର୍ବାଚନରେ ବିଜେଡି ଦଳର ବିଜୟ ହୋଇଛି । ଅତାବିରା NACର 12 ଗୋଟି ୱାର୍ଡରୁ ମାତ୍ର ଗୋଟେ ୱାର୍ଡ଼ରେ କଂଗ୍ରେସ ସମର୍ଥିତ ୱାର୍ଡ଼ ମେମ୍ବର ପ୍ରାର୍ଥୀ ବିଜୟ ହୋଇଥିବା ବେଲେ ଅନ୍ୟ 11 ଗୋଟି ୱାର୍ଡରେ ବିଜେଡ଼ି ସମର୍ଥିତ ପ୍ରାର୍ଥୀ ବିଜୟୀ ହୋଇଛନ୍ତି । ଅତାବିରା ୱାର୍ଡ ନମ୍ବର 1ରେ କଂଗ୍ରେସ ସମର୍ଥିତ ପ୍ରାର୍ଥୀ ଦୀପକ ରାୟ 18 ଭୋଟରେ ବିଜୟୀ ହୋଇଛନ୍ତି । ୱାର୍ଡ ନମ୍ବର 2ରେ ବିଜେଡି ସମର୍ଥିତ ପ୍ରାର୍ଥୀ ସିବାନନ୍ଦ ତ୍ରିପାଠୀ 221 ଅଧିକ ଭୋଟରେ ବିଜୟୀ ହୋଇଥିବାବେଳେ ୱାର୍ଡ ନମ୍ବର 3ରେ ବିଜେଡି ସମର୍ଥିତ ପ୍ରାର୍ଥୀ ନେପାଳ ପ୍ରଧାନ 348 ଅଧିକ ଭୋଟରେ ବିଜୟୀ ହୋଇଛନ୍ତି । ୱାର୍ଡ ନମ୍ବର 4ରେ ବିଜେଡି ସମର୍ଥିତ ପ୍ରାର୍ଥୀ ସବିତା ମଲ୍ଲିକ 536 ଅଧିକ ଭୋଟରେ ବିଜୟୀ ହୋଇଥିବାବେଳେ ୱାର୍ଡ ନମ୍ବର 5ରେ ବିଜେଡି ପ୍ରାର୍ଥୀ ରାଜୀବ କହରା 483 ଅଧିକ ଭୋଟରେ ବିଜୟୀ ହୋଇଛନ୍ତି ।
ସେହିପରି ୱାର୍ଡ ନମ୍ବର 6ରେ ବିଜେଡି ପ୍ରାର୍ଥୀ ପ୍ରମିଳା ପ୍ରଧାନ 277 ଅଧିକ ଭୋଟରେ, ୱାର୍ଡ ନମ୍ବର 7ରେ ବିଜେଡି ପ୍ରାର୍ଥୀ ବିଲୋସ ଜନପୁରୀ ବିଜୟୀ ହୋଇଥିବାବେଳେ ୱାର୍ଡ ନମ୍ବର 8 ଓ 9ରେ ଯଥାକ୍ରମେ ବିଜେଡି ପ୍ରାର୍ଥୀ ରେଣୁକା ପ୍ରଧାନ 145 ଅଧିକ ଭୋଟରେ ଓ ନାରାୟଣ ସାହୁ ବିଜୟୀ ହୋଇଛନ୍ତି । 10 ନମ୍ବର ୱାର୍ଡରେ ବିଜେଡିର ସୁରେଖା ବାଗ 314 ଅଧିକ ଭୋଟରେ ବାଜି ମାରି ନେଇଥିବାବେଳେ 11 ନମ୍ବର ୱାର୍ଡରେ ବିଜେଡିର ଅନୁସୁୟା ବିଶ୍ଵାଳ 53 ଅଧିକ ଭୋଟରେ ବିଜୟୀ ହୋଇଛନ୍ତି । ୱାର୍ଡ ନମ୍ବର 12 ରେ ବିଜେଡି ପ୍ରାର୍ଥୀ ଯମୁନା ଭୁଏ 313 ଅଧିକ ଭୋଟରେ ଜିତିଛନ୍ତି । ଅତାବିରା NAC ନିର୍ବାଚନରେ ଅଧ୍ୟକ୍ଷ ପଦ ପାଇଁ ବିଜେଡି ଦଳର ଅଧ୍ୟକ୍ଷ ପ୍ରାର୍ଥୀ ବନମାଳୀ ବରିହା ମଧ୍ୟ 4828 ଅଧିକ ଭୋଟରେ ବିଜୟୀ ହୋଇଛନ୍ତି । ବିଜେଡିର ବିଜୟୀ ପ୍ରାର୍ଥୀ ବନମାଳୀ ବରିହା ସମୁଦାୟ 6565 ଭୋଟ ପାଇଛନ୍ତି ।
ବନମାଳୀ ବରିହାଙ୍କ ପ୍ରତିଦ୍ବନ୍ଦୀ କଂଗ୍ରେସ ଦଳର ଅଧ୍ୟକ୍ଷ ପ୍ରାର୍ଥିନୀ ସବିତା ଭୁଏ ସମୁଦାୟ 1737 ଭୋଟ ପାଇଥବା ବେଳେ ବିଜେପିର ଅଧ୍ୟକ୍ଷ ପ୍ରାର୍ଥିନୀ ଲକ୍ଷ୍ମୀ ବେହେରା ମାତ୍ର 1572 ଭୋଟ ପାଇଛନ୍ତି । ଅତାବିରା ନିର୍ବାଚନ ଫଳାଫଳ ଘୋଷଣା ପରେ ଅତାବିରାରେ ବିଜେଡି ଦଳର ନେତା ଓ କର୍ମୀଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି । ଫଳାଫଳ ପ୍ରକାଶ ପରେ ବିଜେଡି କର୍ମୀ ବିଜୟ ଉତ୍ସବ ପାଳନ କରୁଛନ୍ତି । ସମସ୍ତ ଭୋଟରଙ୍କୁ ଅତାବିରା ବିଧାୟିକା ସ୍ନେହାଙ୍ଗିନୀ ଛୁରିଆ ଧନ୍ୟବାଦ ଜଣାଇଛନ୍ତି ।
ପ୍ରକାଶଥାଉ କି, ଏପ୍ରିଲ 3 ତାରଖରେ ଅତାବିରା ଏନଏସି ନିର୍ବାଚନ ଅନୁଷ୍ଠିତ ହୋଇଥିଲା । 12ଟି ୱାର୍ଡ ପାଇଁ ଭୋଟ ଗ୍ରହଣ ହୋଇଥିଲା । ନିର୍ବାଚନରେ 74.33 ପ୍ରତିଶତ ମତଦାନ କରିଥିଲେ ଭୋଟର ।
ଇଟିଭି ଭାରତ, ବରଗଡ
