ବରଗଡ : ସେଲଫି ନେବା ପଡିଲା ମହଙ୍ଗା । ଝରଣା ଉପରୁ ଖସିପଡି ଯୁବକଙ୍କ ମୃତ୍ୟୁ । ଏଥିରେ ଜଣେ ଯୁବକଙ୍କର ମୃତଦେହ ଉଦ୍ଧାର କରାଯାଇଥିବା ବେଳେ ଅନ୍ୟ ଜଣେ ଯୁବକ ନିଖୋଜ ଥିବା ଜଣାପଡିଛି । ଏପରି ଘଟଣା ଘଟିଛି ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ପାଇକମାଳ ବ୍ଲକରେ ରହିଥିବା ନୃସିଂହନାଥ ପାହାଡରେ ।
ସେଲଫି ହେଲା କାଳ: ପାହାଡରୁ ଖସି ଯୁବକ ମୃତ
ବରଗଡ ଜିଲ୍ଲା ନୃସିଂହନାଥ ପୀଠରେ ରହିଥିବା ଗନ୍ଧମାର୍ଦ୍ଧନ ପାହାଡର କପିଳଧାର ଝରଣା ଉପରେ ଦୁଇଜଣ ଯୁବକ ମୋବାଇଲରେ ସେଲଫି ନେଉଥିବା ସମୟରେ ଭାରସାମ୍ୟ ହରାଇ ଉଭୟ ଖସି ପଡିଥିଲେ । ତେବେ ଝରଣାର ପ୍ରବଳ ସ୍ରୋତରେ ଖସି ପଡି ୨ ଯୁବକ ଭାସି ଯାଇଥିଲେ, ଏହାପରେ ଜଣେ ଯୁବକଙ୍କ ମୃତ ଦେହ ପାହାଡ ସନ୍ଧିରେ ମିଳିଥିଲା ବେଳେ ଆଉ ଜଣେ ନିଖୋଜ ଅଛନ୍ତି ।
ଘଟଣା ସ୍ଥଳକୁ ଅଗ୍ନିଶମ ବିଭାଗ ପହଞ୍ଚି ମୃତଦେହକୁ ଉଦ୍ଧାର କରିବା ସହିତ ଅନ୍ୟ ଜଣଙ୍କର ଖୋଜା ଚାଲିଛି । ତେବେ ଉଭୟ ପାଇକମାଳ ଥାନା ଅନ୍ତର୍ଗତ ଝିଟିକି ଗ୍ରାମର ବୋଲି ଜଣାପଡିଛି ।
ବରଗଡରୁ ରାଜେଶ ସରାପ, ଇଟିଭି ଭାରତ
