ବାଲେଶ୍ବର :ଏକତରଫା ପ୍ରେମରେ ଅସଫଳ ହେବାରୁ ନାବାଳିକାର ଗଳାକଟି ଦେଲା ଯୁବକ । ଏମିତି ଅଭାବନୀୟ ଘଟଣା ବାଲେଶ୍ବର ସହରରେ ଘଟିଛି । ଗୁରୁତର ଅବସ୍ଥାରେ ନାବାଳିକାକୁ ବାଲେଶ୍ଵର ମେଡିକାଲରେ ଭର୍ତ୍ତି କରାଯାଇଛି ।
ଏକତରଫା ପ୍ରେମରୁ ଜଘନ୍ୟ କାଣ୍ଡ, ନାବାଳିକା ଗଳା କାଟିଲା ଯୁବକ
ଘଟଣା ଅନୁସାରେ, ସ୍ଥାନୀୟ ନୁଆବଜାର ଅଞ୍ଚଳର ଜଣେ ଯୁବକ ନାବାଳିକାଙ୍କୁ ବାରମ୍ବାର ପ୍ରେମ ନିବେଦନ କରି ଅସଫଳ ହୋଇଥିଲା। ଶେଷରେ ନାବାଳିକା ଟିଉସନରୁ ଘରକୁ ଫେରୁଥିବା ବେଳେ ତାଙ୍କୁ ଧାରୁଆ ଅସ୍ତ୍ରରେ ଆକ୍ରମଣ କରିଥିଲା ସମ୍ପୃକ୍ତ ଯୁବକ ।
ଆକ୍ରମଣରେ ନାବାଳିକାର ବେକ ଓ ହାତରେ ଗଭୀର ଆଘାତ ଲାଗିଥିବା ଜଣାପଡିଛି । ଏହି ଘଟଣାରେ ସହଦେଵଖୁଣ୍ଟା ଥାନା ପୋଲିସ ଘଟଣାର ତଦନ୍ତ ଆରମ୍ଭ କରିଛି।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
